បាត់ដំបងៈ នៅវេលាម៉ោង ១២និង៤២នាទីរំលងអធ្រាត្រឈានចូលថ្ងៃទី២៤ ខែកញ្ញា ឆ្នាំ២០២០ ស្ថិតក្នុងចំណុចភូមិត្រពាំងព្រលិត ឃុំសន្តិភាព ស្រុកសំពៅលូន ខេត្តបាត់ដំបង មានករណីអគ្គិភ័យ កើតឡើងចំនួន ១លើក បណ្តាលឲ្យឆេះផ្ទះជួល ១ខ្នងស្មើ នឹង ៤បន្ទប់ (ឆេះទាំងស្រុង) ទំហំ 7មx25ម ធ្វើអំពីឈើ ដំបូលប្រក់ស័ង្កសី របស់ម្ចាស់ឈ្មោះ អាង គីម ភេទប្រុស អាយុ ៦៥ឆ្នាំ (ជាម្ចាស់ផ្ទះជួល)មានទីលំនៅនៅកន្លែងកើតហេតុខាងលើ។

បានជួលឲ្យអ្នកស្នាក់នៅចំនួន ៤គ្រួសារ៖
១/ឈ្មោះ ឃឹម ឆៃ ភេទប្រុស អាយុ ៤៨ឆ្នាំ ។
ខូចខាតទ្រព្យសម្បត្តិ
-ឆេះប្រាក់ខ្មែរអស់ 2.000.000រៀល(ពីរលានរៀល)។
-ឆេះសម្លៀកបំពាក់ កន្ទេល មុង ភួយ និងសម្ភារៈប្រើប្រាស់ផ្សេងៗទៀត ឆេះទាំងស្រុង។
២/ឈ្មោះ លាវ អូន ភេទស្រី អាយុ ៥៨ឆ្នាំ ។
ខូចខាតទ្រព្យសម្បត្តិ
-ឆេះខោអាវថ្មីដែលទើបទិញមកសម្រាប់លក់ សរុបជាប្រាក់អស់ប្រហែល 20.000.000រៀល(ម្ភៃលានរៀល)។
-ឆេះគ្រែឈើបេង១ សម្លៀកបំពាក់ ចាន ឆ្នាំង កន្ទេល មុង ភួយ និងសម្ភារៈផ្សេងៗទៀត ខូចខាតទាំងស្រុង។
៣/ឈ្មោះ ទន់ សុខ ឃាង ភេទប្រុស អាយុ ៤៣ឆ្នាំ ។
ខូចខាតទ្រព្យសម្បត្តិ
-ឆេះប្រាក់ខ្មែរអស់ 400.000រៀល(សែសិបម៉ឺនរៀល)។
-ឆេះម៉ូទ័រស្វាន ១គ្រឿង ,ម៉ូទ័រកាត់ ១គ្រឿង ,សម្លៀកបំពាក់ ចាន ឆ្នាំង កន្ទេល មុង ភួយ និងសម្ភារៈមួយចំនួនទៀត ឆេះទាំងស្រុង។
៤/ឈ្មោះ ឆេង សុខឃាង ភេទស្រី អាយុ ៣៧ឆ្នាំ ។
ខូចខាតទ្រព្យសម្បត្តិ
-ឆេះគ្រែបេង១ ,ឆេះម៉ូតូចាស់ៗដែលខូចចំនួន ៦គ្រឿង ,សម្លៀកបំពាក់ ចានឆ្នាំង កន្ទេល មុង ភួយ និងសម្ភារមួយចំនួនទៀត ឆេះទាំងស្រុង ប៉ុន្តែមិនបណ្តាលឲ្យគ្រោះថ្នាក់ដល់មនុស្សទេ។

មូលហេតុ៖ ឆ្លងចរន្តអគ្គិសនី។

-ភ្លាមៗនោះបានចេញរថយន្តពន្លត់អគ្គិភ័យ ចំនួន ២គ្រឿង (រថយន្តរបស់អធិការស្រុកសំពៅលូន ១គ្រឿង និងរថយន្តរបស់អធិការស្រុកម៉ាឡៃ ១គ្រឿង និងប្រើប្រាស់ទឹកអស់ចំនួន ៣រថយន្ត៕