ភ្នំពេញៈ នៅវេលាម៉ោង០១និង១៥នាទី រំលងអធ្រាត្រថៃ្ងសៅរ៍ ៩កើត ខែអស្សុជ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៦ ខែកញ្ញា ឆ្នាំ២០២០ មានអគ្គិភ័យមួយកើតឡើងនៅរោងចក្រផលិតស្បែកជើង វ៉ុលស្កូ អ៊ិនធើណេសិនណល មានទីតាំងស្ថិតតាមផ្លូវលំ ក្រុមទី១ ភូមិត្រពាំងពោធិ៍ សង្កាត់ ចោមចៅ ខណ្ឌពោធិ៍សែនជ័យ រាជធានីភ្នំពេញ។

ម្ចាស់ឈ្មោះ ហោ យ៉ាង ភេទប្រុស អាយុ៧២ឆ្នាំ (ជនជាតិ ចិនតៃវ៉ាន់) មុខរបរ ប្រធានរោងចក្រ ។

មូលហេតុ៖ កំពុងស្រាវជ្រាវ ។

ប្រភេទសំណង់ៈ អគាររោងចក្រសង់ពីថ្មបេតុងប្រក់ស័ង្កសី (ទំហំ ៥០ម៉ែត្រx ៨០ម៉ែត្រ ) ។ ខូចខាតសម្ភារៈ ឆេះអគាររោងចក្រសង់ពីដែកប្រក់ស័ង្កសី ទំហំ ៥០ម៉ែត្រ x ៨០ម៉ែត្រ អស់ទាំងស្រុង នឹងពុំបណ្ដាលឲ្យឆេះរាលដាលដល់ផ្ទះអ្នកនៅក្បែរខាងឡើយ ។ ករណីខាងលើនេះ មិនបណ្តាលឲ្យមនុស្សស្លាប់ឬរបួសនោះឡើយ ។

រថយន្តការិយាល័យ អគ្គិភ័យចំនួន២១គ្រឿង ប្រើប្រាស់ទឹកអស់ចំនួន ២១០ រថយន្ត ស្មើនឹង ៨៤០ ម៉ែត្រគូប ។ រថយន្តជំនួយអន្តរាគមន៍ពន្លត់មានដូចជា៖ រថយន្តអគ្គិភ័យក្រសួងមហាផ្ទៃចំនួន ០៣ គ្រឿង ប្រើប្រាស់ទឹកអស់ចំនួន ០៩ រថយន្ត ស្មើនឹង ៥៤ ម៉ែត្រគូប ។ រថយន្តអគ្គិភ័យកងរាជអាវុធហត្ថរាជធានីភ្នំពេញចំនួន ០៥ គ្រឿង ប្រើប្រាស់ទឹកអស់ចំនួន ១៥រថយន្តស្មើនឹង ៩០ ម៉ែត្រគូប ។
រថយន្តអគ្គិភ័យកងពលតូចលេខ៧០ចំនួន ០៤ គ្រឿង ប្រើប្រាស់ទឹកអស់ចំនួន ៤០ រថយន្ត ស្មើនឹង១៦០ ម៉ែត្រគូប ។ រថយន្តអគ្គិភ័យបុរីក្តីសង្ឃឹមថ្មី ០២គ្រឿង ប្រើប្រាស់ទឹកអស់ចំនួន០៦ រថយន្ត ស្មើនឹង៣៦ម៉ែត្រគូប ។ រថយន្តអគ្គិភ័យក្រុមហ៊ុនOCIC ទីក្រុងជ្រោយចង្វារ ០៧ គ្រឿង ប្រើប្រាស់ទឹកអស់ចំនួន ២១ រថយន្ត ស្មើនឹង២១០ ម៉ែត្រគូប ។ រថយន្តអគ្គិភ័យក្រុមហ៊ុនស្រាបៀរកម្ពុជា ០១ គ្រឿង ប្រើប្រាស់ទឹកអស់ចំនួន ០៣ រថយន្ត ស្មើនឹង១៨ ម៉ែត្រគូប ។

សរុបរថយន្តអគ្គិភ័យដែលចូលរួមក្នុងកិច្ចប្រតិបត្តិការពន្លត់ទាំងអស់មានចំនួន៤៣ គ្រឿង ដោយប្រើប្រាស់ទឹកអស់ចំនួន ៣០៤រថយន្ត ស្មើនឹង១,៤០៨ ម៉ែត្រគូប។ ពន្លត់ចប់ នៅវេលាម៉ោង ១០និង៣០ នាទីព្រឹក នាថ្ងៃខែឆ្នាំដដែល ៕