ពោធិ៍សាត់: យោងតាមផេក ផ្សព្វផ្សាយអប់រំ ក្រសួងមហាផ្ទៃ បានឲ្យដឹងថា ជនសង្ស័យម្នាក់ត្រូវបានសមត្ថកិច្ចចាប់ឃាត់ខ្លួនកាលពីវេលាម៉ោង ៩និង៣០ នាទីព្រឹកនាថ្ងៃទី២៧ ខែកញ្ញា ឆ្នាំ២០២០ ។
ប្រភពព័ត៌មានបានឲ្យថឹងថា មុនពេលកើតហេតុជនសង្ស័យ ឈ្មោះ ហ៊ួង តុលា ភេទប្រុស អាយុ៣៦ឆ្នាំ រស់នៅភូមិសំឡាញ់ ឃុំក្រពើពីរ ស្រុកវាលវែង ខេត្តពោធិ៍សាត់ បានផឹកស៊ីជាមួយជនរងគ្រោះ នៅចំណុចស្រែយក្ស ភូមិសំឡាញ ឃុំក្រពើពីរ ខណ:ផឹកស្រវឹងជនរងគ្រោះនិងជនសង្ស័យ បានទំនាស់គ្នាតឹងមាត់រៀងៗខ្លួន ធ្វើឲ្យឈ្មោះ ហ៊ួង តុលា ភេទប្រុស អាយុ ៣៦ឆ្នាំ រស់នៅភូមិកើតហេតុ ទ្រាំមិនបានក៏វាយជាច្រើនដៃទៅលើជនរងគ្រោះ ឈ្មោះ សន វ៉ាន់ ភេទប្រុស អាយុ ៤១ ឆ្នាំ រស់នៅភូមិឃុំ កើតហេតុបណ្តាលឲ្យមានរបួសនិង យកកាំបិតផ្គាក់វាយនឹងដងទៅលើឈ្មោះ ច្រឹង បំផុត លេខ ភេទប្រុស អាយុ២៤ ឆ្នាំ រស់នៅភូមិ-ឃុំជាមួយគ្នា បណ្តាលឲ្យរបួសថែមទៀត ធ្វើឲ្យមានការភ្ញាក់ផ្អើល ដល់សមត្ថកិច្ចចុះដល់កន្លែងកើតហេតុតែម្តង។
នគរបាលមូលដ្ឋានបានឲ្យដឹងថា ការចាប់ខ្លួនជនសង្ស័យឈ្មោះ ហ៊ួង តុលា គឺសមត្ថកិច្ចធ្វើឡើងតាមបណ្តឹងរបស់ ប្រជាពលរដ្ឋ គ្រួសារជនរងគ្រោះ។
ជនសង្ស័យ ត្រូវបានសមត្ថកិច្ចឃាត់ខ្លួននៅអធិការដ្ឋាននគរបាលស្រុកវាលវែង ដើម្បីកសាងសំណុំរឿង ចាត់ការតាមនីតិវិធីច្បាប់ ៕
មតិយោបល់