រតនគិរី: កាលពីថ្ងៃទី១ ខែតុលា ឆ្នាំ២០២០ វេលាម៉ោង ៥និង៤០នាទីល្ងាច មានករណីមនុស្សពុលសត្វគីង្គក់ ស្ថិតក្នុងភូមិកាតែ ឃុំម៉ាលិក ស្រុកអណ្ដូងមាស ខេត្តរតនគិរី។
ជនរងគ្រោះឈ្មោះ រចំ យូង ភេទស្រី អាយុ ៤៥ឆ្នាំ ជនជាតិទំពួន (នៅលីវ) រស់នៅជាមួយបងប្អូនក្នុងភូមិឃុំកើតហេតុខាងលើ (ឪពុកម្ដាយស្លាប់)។
មូលហេតុ៖ ជនរងគ្រោះចាប់សត្វគីង្គក់មកធ្វើម្ហូបហូបតែម្នាក់ឯង ព្រោះបងប្អូនទៅចម្ការអស់ បើតាមការបញ្ជាក់ពីបងប្អូនជនរងគ្រោះមិនគ្រប់ទឹកទេ។
ក្រោយពីបានទទួលព័ត៌មានជំនាញ សហការគ្នាជាមួយប៉ុស្តិ៍ចុះពិនិត្យដល់កន្លែងកើតហេតុឃើញថា មានក្អួត រាគរូស បែកពពុះមាត់ គឺពិតជាស្លាប់ដោយសារហូបសត្វគីង្គក់ប្រាកដមែន រួចក៏ធ្វើកំណត់ហេតុប្រគល់ជូនក្រុមគ្រួសារ យកទៅបុណ្យតាមប្រពៃណី៕
មតិយោបល់