ភ្នំពេញ: យោងតាមផេក អគ្គស្នងការដ្ឋននគរបាលជាតិ បានឲ្យដឹងថា បុរសចំណាស់ម្នាក់ត្រូវបានគេប្រទះឃើញចងកសម្លាប់ខ្លួនភ្ជាប់ជាមួយនឹងផាសអាប់របស់ខ្លួនមិនដឹងមូលហេតុ បង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចចូលមកពិនិត្យ ។ ហេតុការណ៍នេះកើតឡើងនៅវេលាម៉ោង០២និង១៥នាទីព្រឹក ថ្ងៃទី០៣ ខែតុលា ឆ្នាំ២០២០ នៅចំណុចលើដងផ្លូវមុខផ្ទះលេខ២៤,២៦E0 ភូមិ៣ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ ។
បុរសខាងលើមិនទាន់ត្រូវបានស្គាល់អត្តសញ្ញាណសព សម្បុរស្រអែម មាឌស្ដើង កម្ពស់ប្រហេល១.៦០ម៉ែត្រ ។
តាមការបំភ្លឺ ឈ្មោះព្រុំ ច័ន្ទពិសិដ្ឋ ភេទប្រុស មុខរបររត់ម៉ូតូកងបី បានបំភ្លឺថា មុនពេលកើតហេតុ ថ្ងៃទី០៣.១០.២០២០ វេលាម៉ោង០២និង១៥នាទី គាត់បានដឹកភ្ញៀវមកពី NAGA វិញក៏បានបើកម៉ូតូកង់បីមកឈប់នៅម្ដុំផ្លូវ១៣០ កែងលេខ៥ ភូមិ០៣ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ រួចក៏បានដើរមកមុខផ្ទះលេខ២៤និង២៦Eo ដើម្បីបត់ជើងតូច ។
ប្រភពបន្តថា ពេលមើលទៅមុខក៏ស្រាប់តែឃើញជនរងគ្រោះ ហើយដើរទៅជិតរួចហៅជនរងគ្រោះតែជនរងគ្រោះមិនឆ្លើយ ។ ពេលទៅមើលជិតបន្តិចទើបដឹងថាជនរងគ្រោះបានចងក គាត់ក៏បានរត់ទៅប្រាប់មិត្តភក្តិនៅជិតនោះឲ្យជួយមើល និងបានឲ្យមិត្តភក្ដិរបស់ខ្ញុំទៅជួយរាយការណ៍ដល់សមត្ថកិច្ច ដើម្បីចុះពិនិត្យកន្លែងកើតហេតុ ។ ជនរងគ្រោះតែងតែផឹកស្រាជាប្រចាំ និងតែងតែត្អូញត្អែរថាគាត់ពិបាកចិត្ត ។
ក្រោយពីទទួលបានព័ត៌មាន កម្លាំងជំនាញខណ្ឌ និងប៉ុស្តិ៍បានចុះដល់ និងគ្រប់គ្រងកន្លែងកើតហេតុ ហើយរាយការណ៍ជូនព្រះរាជអាជ្ញា និងបានសហការជាមួការិយាល័យ បច្ចេកទេសវិឡាសាស្ត្រ ការិយាល័យព្រហ្មទណ្ឌកម្រិតធ្ងន់ និងពេទ្យអមសាលាដំបូងរាជធានីភ្នំពេញ ដើម្បីបង្កើត គណ:កម្មការធ្វើកោសល្យវិច័យ ពិនិត្យសពនិងកន្លែងកើតហេតុ។
ជាលទ្ធផល តាមការពិនិត្យរបស់ផ្នែកជំនាញ បញ្ជាក់ថា ជនរងគ្រោះពិតជាស្លាប់ដោយចងកធ្វើអត្តឃាតខ្លួនឯងប្រាកដមែន ។
ក្រោយពីបញ្ចប់ការពិនិត្យ ខាងជំនាញបច្ចេកទេស បានប្រគល់សពឲ្យទៅលោកនាយប៉ុស្តិ៍នគរបាលរដ្ឋបាលផ្សារកណ្ដាលទី១ ដើម្បីចាត់ចែងបន្ត(បច្ចុប្បន្នសពតម្កល់នៅវត្តឫស្សីសាញ់)។
ទិសដៅបន្តកម្លាំងជំនាញ ខណ្ឌនិងប៉ុស្តិ៍បាននិងបន្តការស្រាវជ្រាវ ដើម្បីកំណត់អត្តសញ្ញាណនិងសាច់ញាតិ ៕
មតិយោបល់