សៀមរាបៈ យោងតាមផេករបស់អគ្គស្នងការដ្ឋាននគរបាលជាតិបានឲ្យដឹងថា នាវេលាម៉ោង ១២ និង៣០នាទីរំលងអធ្រាត្រឈានចូលថ្ងៃទី០៣ ខែតុលា ឆ្នាំ២០២០ នៅចំនុចភូមិ ត្រៀក សង្កាត់ សៀមរាប ក្រុង/ខេត្ត សៀមរាប ជនបរទេសម្នាក់បានស្លាប់នៅលើរថយន្ត ពេលបញ្ជូនទៅសង្គ្រោះនៅមន្ទីរពេទ្យ។
ជនរងគ្រោះ ឈ្មោះDIMOV IVAN TSEVTANOV ភេទ ប្រុស កើតថ្ងៃទី ០១-០៥-១៩៥១ ជនជាតិ ប៊ុលហ្គារី កាន់លិខិតឆ្លងដែនលេខ ៩១២០៩០៨១៥ មុខរបរ ចូលនិវត្តន៍ ស្នាក់នៅផ្ទះជាមួយប្រពន្ធ ជនជាតិខ្មែរ ស្ថិតនៅភូមិត្រៀក សង្កាត់សៀមរាប ក្រុង/ខេត្តសៀមរាប។
ផ្អែកតាមការ ស្រាវជ្រាវរបស់ សមត្ថកិច្ចជំនាញ និង លោកវេជ្ជបណ្ឌិត អុិត ឆបឆរត័្ន គ្រូពេទ្យអមតុលាការបានសនិ្នដ្ឋានថា៖ជនរងគ្រោះស្លាប់ដោយសារ សំពាធឈាមឡើងខ្ពស់ជាគំហុក (បណ្តាលមកពីធ្លាក់ពីលើកាំជណ្តើរជាន់ទីមួយ )។
បច្ចុប្បន្ន សមត្ថកិច្ចបានបញ្ជូនសាកសពទៅតម្កល់ទុកបណ្តោះអាសន្ននៅវត្តស្ទឹងមានជ័យ រាជធានីភ្នំពេញ ដើម្បីរង់ចាំការសម្រេចពីក្រុមគ្រួសារនិងស្ថានទូត៕
![](https://i0.wp.com/cdn.pnm.news/2020/10/postnews.com.kh.2020-10-03_22-13-33.jpg?resize=640%2C448&ssl=1)
មតិយោបល់