ត្បូងឃ្មុំ: នៅថ្ងៃទី០៤ ខែតុលា ឆ្នាំ២០២០ វេលាម៉ោង២៣និង១០នាទី (យប់) លើផ្លូវជាតិលេខ៧ ចន្លោះបង្គោលគីឡូម៉ែត្រលេខ២០៧-២០៨ ស្ថិតនៅភូមិមេមត់ផ្សារ ឃុំមេមត់ ស្រុកមេមត់ ខេត្តត្បូងឃ្មុំ មានករណីគ្រោះថ្នាក់ចរាចរណ៍មួយកើតឡើងរវាងរថយន្តនិងម៉ូតូ បង្កឡើងដោយរថយន្តម៉ាកសាំយ៉ុង ពណ៌លឿន មិនចាំផ្លាកលេខ មិនស្គាល់ឈ្មោះ និងអាសយដ្ឋានអ្នកបើកបរ ក្រោយពេលកើតហេតុ បើករថយន្តគេចចេញពីកន្លែងកើតហេតុបាត់។ បង្កជាមួយម៉ូតូម៉ាកហុងដាបែត (HONDA BEAT) ពណ៌ស គ្មានផ្លាកលេខ បើកបរដោយឈ្មោះគឹម លីវ ភេទប្រុស អាយុ២០ឆ្នាំ ជនជាតិខ្មែរ រស់នៅភូមិជីកដី ឃុំអណ្ដូងត្របែក ស្រុករមាសហែក ខេត្តស្វាយរៀង (របួសធ្ងន់) បានឌុបមនុស្សចំនួន០២នាក់៖

១-ឈ្មោះ រុំ ភារ៉ាក ភេទប្រុស អាយុ២០ឆ្នាំ ជនជាតិខ្មែរ រស់នៅភូមិ-ឃុំជាមួយគ្នា(របួសស្រាល)។ ២-ឈ្មោះ យស មិនា ភេទប្រុស អាយុ១៨ឆ្នាំ ជនជាតិខ្មែរ រស់នៅភូមិត្របែក ឃុំមេមត់ ស្រុកមេមត់ ខេត្តត្បូងឃ្មុំ (ស្លាប់នៅមន្ទីរពេទ្យបង្អែកស្រុកមេមត់)។ អ្នកបើកបរម៉ូតូ និងអ្នករូមដំណើរមិនពាក់មួកសុវត្ថិភាព។ ទិសដៅបើកបរ:(ស្របទិសគ្នា) ដោយរថយន្តម៉ាកសាំយ៉ុង ពណ៌លឿង បើកបរពីទិសខាងកើតទៅទិសខាងលិច តាមបណ្ដាលផ្លូវជាតិលេខ៧ (មេឃកំពុងភ្លៀង) លុះបើកបរដល់ចំណុចកើតហេតុបានបត់ឆ្វេង (បត់ចូលផ្លូវលំខាងត្បូង) ស្របពេលនោះក៏មាន ម៉ូតូម៉ាកហុងដាបែត (HONDA BEAT) ពណ៌ស បើកបរពីទិសខាងកើតទៅទិសខាងលិច(បើកបរពីក្រោយរថយន្ត) ប្រើប្រាស់ល្បឿនយ៉ាងលឿន បានបុកចំពាក់កណ្ដាលរថយន្តសាំយ៉ុង ផ្នែកខាងឆ្វេងពេញទំហឹងតែម្ដង។

មូលហេតុ៖ កត្តាមនុស្ស(បត់គ្រោះថ្នាក់)។

ការខូចខាត៖ ម៉ូតូចំនួន០១គ្រឿង (កម្រិតធ្ងន់)។ អ្នករបួស ត្រូវបានដឹកយកមកសង្រ្គោះនៅមន្ទីរពេទ្យបង្អែក ស្រុកមេមត់ ។ សាកសព ជំនាញបានប្រគល់ជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី។

វត្ថុតាងម៉ូតូចំនួន០១គ្រឿង ជំនាញបានយកមករក្សាទុកនៅអធិការដ្ឋាននគរបាលស្រុកមេមត់ ដើម្បីកសាងសំណុំរឿងតាមនីតិវិធី៕