ភ្នំពេញៈ យោងតាមផេក ស្នងការដ្ឋាននគរបាលរាជធានីភ្នំពេញ បានឲ្យដឹងថា នៅថ្ងៃទី០៦ ខែតុលា ឆ្នាំ២០២០ វេលាម៉ោង១៧ និង៣០នាទី កម្លាំងជំនាញខណ្ឌ-ប៉ុស្តិ៍ បានសហការជាមួយកម្លាំងការិយាល័យ ប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ ដឹកនាំដោយលោកវរសេនីយ៍ទោ រ៉ឹម ម៉ិច នាយការិយាល័យ ប្រឆាំងគ្រឿងញៀន ដែលមានកម្លាំងចូលរួមសរុប២៣នាក់ បានដឹកនាំក្រុមប្រតិបត្តិការចម្រុះ ចុះទៅដល់ទីតាំងផ្លូវរថភ្លើង ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ ធ្វើការបង្ក្រាបមុខសញ្ញាចែកចាយ និងប្រើប្រាស់គ្រឿងញៀនឃាត់បានចំនួន១៦នាក់, ស្រី០៤នាក់ និងក្រាមពណ៌សថ្លាសង្ស័យជាគ្រឿងញៀនចំនួន០៧កញ្ចប់តូច។

បច្ចុប្បន្នជនសង្ស័យរួម និងវត្ថុតាងខាងលើ បញ្ជូនទៅការិយាល័យ ប្រឆាំងគ្រឿងញៀន នៃស្នងការដ្ឋាននគរបាលរាជធានីភ្នំពេញ លុះដល់វេលាម៉ោង១៩ និង០០នាទី នាថ្ងៃខែឆ្នាំដដែល បានបញ្ចប់ក្នុងប្រតិបត្តិការ៕