សៀមរាបៈ យោងតាមបង្ហោះរបស់គណនីបណ្តាញសង្គម ឈ្មោះ David Chanaiwa បានឲ្យដឹងថា ក្នុងរឿងក្ដី ទា ស៊ីវហ្គិច និង វ៉ាន់ស៊ុន ពេលនេះត្រូវបានភាគី ទា ស៊ីវហ្គិច ដកពាក្យបណ្តឹងវិញហើយ។

ក្នុងនោះបើតាមការបង្ហោះទាំងស្រុង រយៈពេល៦ម៉ោង កាលពីព្រឹកថ្ងៃទី៨ ខែកក្កដា ឆ្នាំ២០១៧ របស់ម្ចាស់គណនីឈ្មោះ David Chanaiwa បានឲ្យដឹងថា៖ «ខ្ញុំទទួលដំណឹងថាក្មួយ ទា ស៊ីវហ្គិច បានដាក់លិខិតដកពាក្យបណ្ដឹងលើក្មួយ វ៉ាន់ស៊ុន ដោយមិនទាមទាសំណង ចូលទៅអយ្យកាខេត្តសៀមរាប ហើយកាលពីម្សិលមិញនេះ យោងតាមហេតុផលដ៏ល្អគឺនាងចង់ផ្ដល់ឱកាសអោយ វ៉ាន់ ស៊ុន បានកែប្រែខ្លួននឹងសារភាពកំហុសឆ្គង ដែលបានលើសលួសលើរូបនាងជា ( ករណីនេះជន វ៉ាន់ ស៊ុន បានសារភាពកំហុសថាបានប្រព្រឹត្តលើ កញ្ញា ទា ស៊ីវហ្គិច ) នេះជាសក្ខីភាពដ៏ល្អមួយបញ្ជាក់ថាកញ្ញា ទា ស៊ីវហ្គិច មានចិត្តមេត្តាសន្ដោសនឹងមិនចង់អោយក្មួយ វ៉ាន់ស៊ុន ទទួលទោសជាប់ពន្ធនាគា ហើយបាត់បង់អនាគតរួមទាំងគ្មានទីពំនឹងក្នុងការរកប្រាក់ផ្គត់ផ្គង់គ្រួសារឡើយ នាងទាមទាត្រឹមតែអោយជន វ៉ាន ស៊ុន សារភាពកំហុសឆ្គងជាសាធារណៈដើម្បីជាសក្ខីកម្មបញ្ជាក់ទៅជនជ្រុលនិយមមួយចំនួនអោយបញ្ចប់នៅវប្បធម៌លាបពណ៌ ប្រឌិតព័ត៌មានញុះញុងអោយនាងដែលជាភាគីរងគ្រោះកាន់តែរងគ្រោះបន្តទៅទៀត ជាពិសេសការប្រមាថក្នុងន័យបទល្មើស បរិហាកេរ្តិ៍ជាសាថារណៈ ជាពិសេសមន្ទីសម្រាកដែលមិនមានភាពទទួលខុសត្រូវលើអ្នកជំងឺ»

ប្រភពនៃការបង្ហោះដដែល បានបន្តថា «ខ្ញុំឧកញ៉ា ដេវីតឆាយណាវ៉ា សុំថ្លែងអំណរអរគុណយ៉ាងជ្រៀលជ្រៅចំពោះក្មួយ ស៊ីវ ហ្គិច ដែលមិនប្រកាន់ខឹងចំពោះកំហុសរបស់ក្មួយវ៉ាន់ ស៊ុន ជាពិសេសខ្ញុំស្នើសុំអោយមហាជនមិត្តភក្តិសាច់ញាត្តិ វ៉ាន់ ស៊ុន ទាំងអស់ឈប់ព្យាយាមការពារកំហុសក្មួយ វ៉ាន់ ស៊ុន បន្តទៀត ដែលមើលទៅវាជាការជំរុញអោយក្មួយវ៉ាន់ស៊ុនកាន់តែមានកំហុសលើសដើម នឹងបន្ថែមភាពក្ដៅក្រហាយដល់ជនរងគ្រោះយ៉ាងលើសលុបលើផ្នែកបញ្ហាផ្លូវចិត្ត។ សុំអរគុណ លោក សុខ សុវណ្ណវឌ្ឍនាសារពង្ស ហៅអាគាត់ ( William Guang )នេះ ដែលបានចូលរួមពន្យល់ណែនាំនឹងខិតខំក្នុងបេសកកម្មរកយុត្តិធម៌នឹងការពារយុត្តិធម៌អោយនារីរងគ្រោះតាំងពីដើមទី សុំអរគុណដល់សហការីមេធាវីរបស់ខ្ញុំទាំងអស់ដែលបានខិតខំក្នុងបេសកកម្មនេះ»៕