ពោធិ៍សាត់ៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នាព្រឹកថ្ងៃទី០៩ ខែតុលា ឆ្នាំ២០២០ ដោយស្ថានភាពនៃទឹកភ្លៀង ដែលហូរធ្លាក់យ៉ាងខ្លាំងពីតំបន់ជួរភ្នំនៃស្រុកភ្នំក្រវាញ និងស្រុកវាលវែង ចូលមកក្នុងស្ទឹងពោធិ៍សាត់ បណ្តាលឲ្យទឹកនៅតាមដងស្ទឹងឡើងខ្លាំង ដែលអាចបង្កជាទឹកជំនន់ ។
ដោយពិនិត្យឃើញថា ដើម្បីការពារទឹកកុំឲ្យហូរជន់លិចដល់នៅដ្ឋានប្រជាពលរដ្ឋ និងលិចលើដងផ្លូវ លោកឧត្តមសេនីយ៍ទោ ស ថេង ស្នងការនគរបាលខេត្ត បានបញ្ជាឲ្យកម្លាំងនៃស្នងការដ្ឋាននគរបាល ដឹកនាំដោយលោកឧត្តមសេនីយ៍ត្រី ម៉ូ លីដា ស្នងការរងផែនការងារព្រហ្មទណ្ឌ បានដឹកនាំកម្លាំងជួយអន្តរាគមន៍ ទប់ទឹកនៅតាមបណ្តោយមាត់ស្ទឹងក្នុងក្រុងពោធិ៍សាត់ ដើម្បីបង្ការ និងទប់ស្កាត់នូវគ្រោះថ្នាក់ដល់អាយុជីវិតនិងខូចខាត ទ្រព្យសម្បត្តិបងប្អូនជាយថាហេតុ ៕
មតិយោបល់