ព័ត៌មានជាតិ

ឪពុកស្លាប់ភ្លាមៗ បន្ទាប់ពីរត់ទៅចាប់កូនប្រុស ដែលមានសតិមិនគ្រប់ប្រកាច់ ប៉ុន្តែអកុសលត្រូវដំបងឫស្សីប៉ះចំសៀតផ្កា

ស្វាយរៀង: នៅល្ងាចថ្ងៃទី២១ ខែតុលា ឆ្នាំ២០២០ មានករណីឪពុកស្លាប់ភ្លាមៗ បន្ទាប់ពីរត់ទៅចាប់កូនប្រុស ដែលមានសតិមិនគ្រប់ បណ្ដាលឲ្យដំបងឫស្សីប៉ះចំសៀតផ្កា ហេតុការណ៍នេះ កើតឡើងត្រង់ចំណុចភូមិឫស្សីជង្រុក ឃុំរមាំងថ្កោល ស្រុកស្វាយទាប ខេត្តស្វាយរៀង។

ជនរងគ្រោះជាឪពុកឈ្មោះ ឥន សាវ៉ន អាយុ ៥៧ឆ្នាំ មុខរបរកសិករ មានទីលំនៅកន្លែងកើតហេតុលើ។
ជនសង្ស័យជាកូនឈ្មោះ ឥន ទ្រី អាយុ ៣៣ឆ្នាំ មានសតិមិនគ្រប់ ។

មូលហេតុ៖ ឪពុកឃើញកូនមានជំងឺប្រកាច់រើឡើង ក៏រត់ទៅចាប់បម្រុងចង ប៉ុន្តែអកុសលត្រូវដំបងនៅដៃជនសង្ស័យ គ្រវាសចំសៀតផ្កា។

ករណីនេះ ក្រោយពីកើតហេតុជនសង្ស័យ ត្រូវបានសមត្ថកិច្ចឃាត់ខ្លួន យកទៅសាកសួរនាំនៅការិយាល័យជំនាញ ដើម្បីចាត់ការតាមនីតិវិធីច្បាប់ ចំពោះសព ប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕

មតិយោបល់