ផ្ទះ ព័ត៌មានជាតិ សមត្ថកិច្ចដកហ...

សមត្ថកិច្ចដកហូតរថយន្ត និងម៉ូតូផាសអាប់ ចតគ្មានសណ្ដាប់ធ្នាប់លើផ្លូវសាធារណៈ

0

ភ្នំពេញ: យោងតាមផេក ស្នងការដ្ឋាននគរបាលរាជធានីភ្នំពេញ បានឲ្យដឹងថានៅថ្ងៃទី២៧ ខែតុលា ឆ្នាំ២០២០ គណ:បញ្ជាការឯកភាពរដ្ឋបាល ខណ្ឌ៧មករា ដឹកនាំដោយលោកវរសេនីយ៍ទោ ង៉ែត សារុន អធិការរង ទទួលការងារសណ្តាប់ធ្នាប់ចរាចរណ៍ និងលោកប្រាក់ ហាក់ ប្រធានប្រជាការពារសាលា ខណ្ឌ៧មករា ព្រមទាំងកម្លាំងប៉ុស្តិ៍នគរបាលរដ្ឋបាលទាំង៨ បានចុះរៀបចំសណ្តាប់ធ្នាប់ក្នុងភូមិសាស្រ្ត ខណ្ឌ៧មករា តាមដងផ្លូវដែលមានការកកស្ទះដូចជាតាមបណ្តោយផ្លូវលេខ១៦៤ ផ្លូវលេខ១០៩ ផ្លូវលេខ២០៧ ផ្លូវលេខ១៣៤ មុខមន្ទីរពេទ្យបង្អែក រាជធានីភ្នំពេញ។

ក្នុងអំឡុងពេលរៀបចំសណ្តាប់ធ្នាប់ កម្លាំងសមត្ថកិច្ចបានចាប់នឹងស្ទូចរថយន្តដែលចតឈប់បញ្ច្រាសទិស ដែលជាមូលហេតុធ្វើឲ្យកកស្ទះចរាចរណ៍ ព្រមទាំងបានណែនាំប្រជាពលរដ្ឋ ដែលយកចិញ្ចើមថ្នល់ប្រកបមុខរបរលក់ដូរសម្ភារ:ផ្សេងៗ ឲ្យលក់បណ្តោះអាសន្ន១/៣ ដោយទុកចិញ្ចើមថ្នល់ឲ្យថ្មើរជើងធ្វើចរាចរណ៍បានបញ្ចៀសការកកស្ទះ។

ក្នុងនោះដែរ កម្លាំងសមត្ថកិច្ចក៏បានដកហូតរថយន្តចំនួន ០៧គ្រឿង និងផាសអាប់ ០១គ្រឿង សរុបរួម៨គ្រឿង យកមករក្សាទុកនៅឃ្លាំងគណ:បញ្ជាការឯកភាពខណ្ឌ ជាពិសេសបងប្អូនប្រជាពលរដ្ឋមួយចំនួន ក៏ការចូលរួមសហការតាមការណែនាំរបស់សមត្ថកិច្ចជំនាញ៕

មតិយោបល់