ពោធិ៍សាត់: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅព្រឹកថ្ងៃទី២៣ ខែវិច្ឆិកា ឆ្នាំ២០២០ មានករណីអគ្គីភ័យឆាបឆេះផ្ទះប្រជាពលរដ្ឋ១ខ្នង ស្ថិតនៅក្នុងភូមិកគោ ឃុំស្វាយលួងស្រុកកណ្ដៀង ខេត្តពោធិ៍សាត់ បង្កឲ្យមានការភ្ញាក់ផ្អើលដល់ប្រជាពលរដ្ឋ អាជ្ញាធរ និងសមត្ថកិច្ចចុះជួយអន្តរាគមន៍ ។
លោកវរសេនីយ៍ទោ អ៊ុន ស៊ី អធិការនគរបាលស្រុកកណ្តៀងបានឲ្យដឹងថា ជនរងគ្រោះជាម្ចាស់ផ្ទះឈ្មោះ ព្រំ ប៊ុនថន ភេទប្រុស អាយុ ៣៩ឆ្នាំ ជនជាតិខ្មែររស់នៅភូមិ ឃុំ កើតហេតុខាងលើ ។
លោកអធិការបានបន្តថា មូលហេតុដែលបង្កឲ្យមានអគ្គិភ័យនេះកើតឡើង គឺបណ្តាលមកពីការទុស្សេខ្សែភ្លើងឆ្លងចរន្តទើបបណ្តាលឲ្យឆេះផ្ទះអស់ចំនួន០១ខ្នងទំហំ៥ម៉ែត្រគុណ៧ម៉ែត្រ ធ្វើអំពីឈើក្រាលក្ដារ ជញ្ជាំងក្ដារ ប្រក់ស័ង្កសី តុ ទូ កៅអី គ្រែនិងសម្ភារ:មួយចំនួនទៀត គិតជាប្រាក់សរុបចំនួន៣០,០០០ដុល្លារ(បីម៉ឺនដុល្លារ)។
លោកអធិការបានបញ្ជាក់ថា ក្នុងការចុះអន្តរាគមន៍ជួយពន្លត់អគ្គិភ័យនេះ កម្លាំងនៃអធិការដ្ឋាននគរបាលស្រុកកណ្តៀង បានសហការជាមួយអាជ្ញាធរមូលដ្ឋាន ប្រជាពលរដ្ឋជួយអន្តរាគមន៍ និងចេញរថយន្តអគ្គិភ័យចំនួន០១គ្រឿង ប្រើប្រាស់ទឹកអស់ចំនួន០៣រថយន្ត និងម៉ាស៊ីនបូមទឹកចំនួន០១គ្រឿងទើបអាចពន្លត់ភ្លើងបាន ៕
មតិយោបល់