តាមរបាយការណ៍ទាក់ទងនិងក្រុមហ៊ុន Google ដែលចុះនៅថ្ងៃទី ២៥ ខែ កន្លងទៅនេះ បានឲ្យដឹងថា ក្រុមហ៊ុន បានសម្រេចចិត្ត ផលិតរថយន្ត និងភ្ជាប់ឧបករណ៍បច្ចេកវិទ្យាទំនើប ជាមួយនឹងយានយន្ត និង Robo -Taxi ឬ រថយន្តដំណើរការដោយស្វ័យប្រវត្តិ។លោក Amir Efrati បានអះអាងថា គេហទំព័របណ្តាញយក្ស Google បានធ្វើការពិចារណារួចរាល់ហើយ ទៅលើសក្តានុពេល ក្នុងដំណើរការរថយន្តតាកស៊ី ក្នុងទីក្រុងនានា នៅសហរដ្ឋអាមេរិក ដែលនាំអ្នកដំណើរទៅកាន់ទីកន្លែងដែលគេចង់ទៅ ដោយមិនបាច់ប្រើតៃកុងឡាន។
ហេតុផលដែល ខាង Google ធ្វើបែបនេះ គេយល់ឃើញថា ជារថយន្តតាក់ស៊ីផ្ទាល់ខ្លួន និងកាត់បន្ថយការប្រើប្រាស់រថយន្តនៅក្នុងទីក្រុង ហើយម្យ៉ាងវិញទៀតវាជួយកាត់បន្ថយហានិយភ័យគ្រោះថ្នាក់ចរាចរណ៍ទៀតផង។ សម្រាប់អ្នកដែលជិះ Robo -Taxi របស់ក្រុមហ៊ុន Google គឺក្លាយជាតៃកុង ដែលអង្គុយនៅពីក្រោយចង្កូតដោយមិនបាច់បញ្ជាឡើយ។
កម្មវិធីសុវត្តិភាពលើយានយន្ត និងតាក់ស៊ី នេះដែរ ក្រុមហ៊ុន Google បានបើកដំណើរការលើកម្មវិធីនានា ទាក់ទង រថយន្តបើកដោយខ្លួនឯង ដោយមិនបាច់ប្រើមនុស្ស ធ្វើជាតៃកុង
ដោយចាប់ផ្តើមដំបូងកាលពីឆ្នាំ ២០១០ ។ ប៉ុន្តែ ពេលនេះទើបតែលេចរូបរាង និងកំពុងធ្វើតេស្តដោយ បណ្តាញទំព័រយក្ស Google ។
ទន្ទឹមជាមួយនឹងគ្នានេះដែរ ខាង Google ក៏មានក្រុមហ៊ុនទាក់ទងនឹងរថយន្តចំនួនពីរ ក្នុងនោះរួមមាន Continental AG និង Magna International ដោយព្យាយាមធ្វើរថយន្តដ៏ជាក់លាក់មួយ ដើម្បីប្រកួតប្រជែងលើទីផ្សាររថយន្ត។
ដូច្នេះហើយ ទើបខាង Google បានសម្រេចចិត្តធ្វើការអភិវឌ្ឍន៍រថយន្តដំណើរការដោយស្វ័យប្រវត្តិ ខណៈដែលកំពុងអភិវឌ្ឍន៍បច្ចេកវិទ្យារបស់ខ្លួន៕
ទស្សនាវិដេអូឃ្លិបដូចខាងក្រោមនេះ៖
មតិយោបល់