ព្រះសីហនុ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី២៥ ខែវិច្ឆិកា ឆ្នាំ២០២០ វេលាម៉ោង ២១និង០០នាទី គណ:បញ្ជាការឯកភាពរដ្ឋបាលស្រុកព្រៃនប់ បានដឹកនាំកម្លាំងចុះត្រួតពិនិត្យអាវុធជាតិផ្ទុះ និងគ្រឿងញៀន នៅចន្លោះបង្គោលគីឡូម៉ែត្រលេខ១៧៣-១៧៤ ស្ថិតនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ រហូតដល់វេលាម៉ោង ០០ និង ១០នាទី ពាក់កណ្តាលអធ្រាត្រ ឈានចូលថ្ងៃទី ២៦ ខែវិច្ឆិកា ឆ្នាំ២០២០ បានធ្វើការត្រួតពិនិត្យរថយន្ត ០១គ្រឿង ម៉ាក ស្តារិច ពណ៌ស ស្លាកលេខ ភ្នំពេញ 2BC-6802 ដែលបើកបរដោយជនជាតិចិន ០៤នាក់ ។
ក្នុងការត្រួតពិនិត្យនេះ កម្លាំងសមត្ថកិច្ចបានរកឃើញសម្ភារ:មួយចំនួន ដែលជាឧបករណ៍ប្រើប្រាស់ក្នុងការចាប់ជំរិតមនុស្ស ទើបធ្វើការឃាត់ខ្លួនជនជាតិចិនទាំង ០៤នាក់ ដែលនៅក្នុងរថយន្តតែម្តង ។
+ជនសង្ស័យទាំង ០៤នាក់ មានឈ្មោះដូចខាងក្រោម៖
១-ឈ្មោះ ZHANG GE XIN ភេទប្រុស អាយុ ៥០ឆ្នាំ ជនជាតិចិន មុខរបរ មិនពិតប្រាកដ លិខិតឆ្លងដែន (មិនយកតាមខ្លួន) ស្នាក់នៅ ភូមិ១ សង្កាត់២ ក្រុង-ខេត្តព្រះសីហនុ ។
២-ឈ្មោះ LU LU ភេទប្រុស អាយុ ៣៥ឆ្នាំ ជនជាតិចិន មុខរបរ មិនពិតប្រាកដ លិខិតឆ្លងដែន (មិនយកតាមខ្លួន) ស្នាក់នៅ ភូមិ១ សង្កាត់២ ក្រុង-ខេត្តព្រះសីហនុ ។
៣-ឈ្មោះ SONG JIA MING ភេទប្រុស អាយុ ៣៧ឆ្នាំ ជនជាតិចិន មុខរបរ មិនពិតប្រាកដ លិខិតឆ្លងដែន (មិនយកតាមខ្លួន) ស្នាក់នៅកាស៊ីណូ WM ស្ថិតនៅ ភូមិ៤ សង្កាត់៤ ក្រុង-ខេត្តព្រះសីហនុ ។
៤-ឈ្មោះ JIANG BAO ភេទប្រុស អាយុ ៤៣ឆ្នាំ ជនជាតិចិន មុខរបរ មិនពិតប្រាកដ លិខិតឆ្លងដែន (មិនយកតាមខ្លួន) ស្នាក់នៅ ភូមិ១ សង្កាត់២ ក្រុង-ខេត្តព្រះសីហនុ ។
វត្ថុតាងចាប់យកបាន៖
-ដំបងឆក់ ០១ដើម
-ខ្នោះដៃ ០១គូ
-ស្រោមខ្នោះ ០១
-ខ្សែលួស ០១ដុំ
-ម៉ាស់ ១៨សន្លឹក
-មួកកាតិបពណ៌ខ្មៅ ០៤
-អាវធំ ០១ ពណ៌ខៀវ
-ស្បោងក្រណាត់ខ្មៅសម្រាប់គ្របមុខ ០១
-ស្រោមដៃ ០៥គូ
-ទូរស័ព្ទដៃ ០២គ្រឿង (ម៉ាក Iphone7 និងម៉ាក Samsung)
-រថយន្ត ០១គ្រឿង ម៉ាក ស្តារិច ពណ៌ស ស្លាកលេខ ភ្នំពេញ 2BC-6802 (ស្លាកលេខក្លែងបន្លំ) ។
ករណីនេះ កម្លាំងជំនាញបានកសាងសំណុំរឿងអនុវត្តបន្តតាមនីតិវិធី ៕
មតិយោបល់