ផ្ទះ ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនជនសង្ស័យម្នាក់ មុខសញ្ញាសេសសល់ពាក់ព័ន្ធ ករណីអំពើលួចមានស្ថានទម្ងន់ទោស

0

សៀមរាប: ដោយមានកិច្ចសហការល្អរវាងកម្លាំងនគរបាល នៃអធិការដ្ឋាននគរបាលក្រុងសៀមរាប និងអធិការដ្ឋាននគរបាលស្រុកប្រាសាទបាគង ក្រោមការដឹកនាំ ដោយលោក ភឹង ចិន្តារ៉េត ស្នងការរងទទួលផែនព្រហ្មទណ្ឌ នៃស្នងការដ្ឋាននគរបាលខេត្តសៀមរាប នាវេលាម៉ោង ១និង០០នាទី ថ្ងៃទី២៦ ខែវិច្ឆិកា ឆ្នាំ២០២០ បានសហការគ្នាធ្វើការស្រាវជ្រាវ និងអនុវត្តដីកាបង្គាប់ឲ្យចាប់ខ្លួនលេខ២៤១ ចុះថ្ងៃទី៣០ ខែមេសា ឆ្នាំ២០២០ នៃសាលាដំបូងខេត្តសៀមរាប ធ្វើការចាប់ខ្លួនជនល្មើសឈ្មោះ ភោគ បញ្ញា ភេទប្រុស អាយុ ២៣ឆ្នាំ មុខរបរមិនពិតប្រាកដ រស់នៅភូមិល្អក់ ឃុំកណ្តែក ស្រុកប្រាសទបាគង ខេត្តសៀមរាប ដែលជាមុខសញ្ញាសេសសល់ពាក់ព័ន្ធ នឹង ករណីអំពើលួចមានស្ថានទម្ងន់ទោស (កាច់សោរកម៉ូតូ) ប្រព្រឹត្តនៅចំណុចបន្ទប់ជួលស្ថិតនៅភូមិតាវៀនសង្កាត់សាលាកម្រើក ក្រុងសៀមរាប ខេត្តសៀមរាបកាលពីថ្ងៃទី២៧ ខែមករា ឆ្នាំ២០២០ កន្លងទៅ។

ក្រោយឃាត់ខ្លួន និងសាកសួរជនល្មើសខាងលើបានឆ្លើយសារភាពថា ខ្លួនពិតជាបានធ្វើសកម្មភាពលួច កាច់សោកម៉ូតូ ជាមួយបក្ខពួកខ្លួន ចំនួន០២នាក់ ដែលត្រូវសមត្ថកិច្ចនគរបាលក្រុងសៀមរាបឃាត់ខ្លួនបានពិតមែន កាលពីថ្ងៃទី២៧ ខែមករា ឆ្នាំ២០២០ កន្លងទៅនៅចំណុចបន្ទប់ជួលស្ថិតនៅភូមិតាវៀន សង្កាត់សាលាកម្រើក ក្រុងសៀមរាបពិតមែន ។

សូមជម្រាបជូនថា ក្នុងករណីមួយនេះ កម្លាំងជំនាញបានធ្វើការឃាត់ខ្លួនជនល្មើសសរុបចំនួន ៣នាក់ ជាបន្តបន្ទាប់ក្នុងនោះរួមមាន៖
-ជនល្មើសទី១/ឈ្មោះ សម សិទ្ធ ភេទប្រុស អាយុ ២៩ឆ្នាំ ឃាត់ខ្លួនបានកាលពីថ្ងៃទី២៩ ខែមករា ឆ្នាំ២០២០ ក្រោយធ្វើសកម្មភាពបានមួយថ្ងៃ។ ជនល្មើសទី២ /ឈ្មោះ ខឹម តាំងសែ ហៅ(ខ្សែ) ភេទប្រុស អាយុ ២៤ឆ្នាំ មុខរបរជាងដែក ឃាត់ខ្លួនកាលពីថ្ងៃទី២៨ ខែឧសភា ឆ្នាំ២០២០ មានទីលំនៅ នៅភូមិល្អក់ ឃុំកណ្តែក ស្រុកប្រាសាទបាគង ខេត្តសៀមរាប ។ ចំណែកជនល្មើសទី៣ គឺឈ្មោះ ភោគ បញ្ញា ដែលទើបឃាត់ខ្លួនបានជាមួយគ្នានេះ ក៏បានធ្វើតេស្តរកសារធាតុញៀនលើខ្លួន ជនល្មើសរូបនេះ ជាលទ្ធផល វិជ្ជមាន ។

បច្ចុប្បន្នជនល្មើស រូបនេះ ត្រូវបានកម្លាំងនគរបាលផ្នែកព្រហ្មទណ្ឌ នៃអធិការដ្ឋាននគរបាលក្រុងសៀមរាប កសាងសំណុំរឿងបន្ថែម បញ្ជូនទៅតុលាការដើម្បីចាត់ការតាមផ្លូវច្បាប់ ៕

មតិយោបល់