កណ្តាល: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរសម្នាក់ត្រូវបានកម្លាំងនគរបាលស្រុកកណ្តាលស្ទឹងចុះអន្តរាគមន៍ឃាត់ខ្លួន ពាក់ព័ន្ធករណីដុតផ្ទះខ្លួនឯងបណ្តាលឲ្យឆេះបំផ្លាញទាំងស្រុង ។ ករណីនេះកើតឡើងនៅថ្ងៃទី២៦ ខែវិច្ឆិកា ឆ្នាំ២០២០ វេលាម៉ោង១៧និង០០នាទី នៅក្នុងភូមិក្រាំងឈើនាង ឃុំត្បែង ស្រុកកណ្ដាលស្ទឹង ខេត្តកណ្ដាល ។
ជនរងគ្រោះឈ្មោះ ជឹម វណ្ណា ភេទស្រី អាយុ ៦២ឆ្នាំ មានទីលំនៅភូមិក្រាំងឈើនាង ឃុំត្បែង ស្រុកកណ្តាលស្ទឹង ខេត្តកណ្ដាល មុខរបរកសិករ (ត្រូវជាម្តាយ)។
ជនសង្ស័យឈ្មោះ ពៅ រណ្ណ: ភេទប្រុស អាយុ ២៦ឆ្នាំ មានទីលំនៅ ភូមិក្រាំងឈើនាង ឃុំត្បែង ស្រុកកណ្ដាលស្ទឹង ខេត្តកណ្ដាល មុខរបរ មិនពិតប្រាកដ (កូនបង្កើត )។
សមត្ថកិច្ចឲ្យដឹងថា កន្លងមកជនសង្ស័យធ្លាប់បានប្រើប្រាស់គ្រឿងញៀន និងធ្លាប់រករឿងឈ្លោះជាមួយ ម្តាយរបស់ខ្លួនជាញឹកញាប់ ។
ប្រភពដដែលបន្តថា នៅថ្ងៃខែ ឆ្នាំកើត វេលាម៉ោង ១៤និង០០នាទី ជនសង្ស័យបានទៅដេកលេងនៅខ្ចូសដីឡូត៍មួយកន្លែងស្ថិតនៅក្បែរផ្ទះរបស់ខ្លួន រហូតដល់ម៉ោង១៥និង៣០នាទី ខ្លួនបានត្រឡប់មកផ្ទះវិញ ហើយសួរម្តាយរបស់ខ្លួនថា “ឃើញកូនរបស់ខ្ញុំ អត់ម៉ែ” ពេលនោះម្តាយបានឆ្លើយថា”មិនបានឃើញទេ”រួចក៏ដើរចេញពីផ្ទះរបស់ជនសង្ស័យទៅផ្ទះរបស់ជនគ្រោះ ដែលនៅខាងជើងផ្ទះរបស់ ជនសង្ស័យបាត់ទៅ ។ ពេលនោះជនសង្ស័យបានទៅផ្ទះម្តាយរបស់ខ្លួនសំដៅទៅរាន ទេវតា រួច យកធាតុរបស់ឪពុករបស់ខ្លួន ដែលនៅក្នុងនោះ និងយកកាំបិតបុ័ងតោ មកកាត់ខ្សែសីមា ដើម្បីមើលធាតុឪពុក ពេលនោះ ជនរងគ្រោះបានស្រែកប្រាប់ថា “ហ្អែងយកធាតុគាត់មកធ្វើអី “ ជនសង្ស័យបានគាស់ធាតុមើលរួចយកទៅទុកចោលនៅលើគ្រែ ហើយក៏ដើរចេញទៅយកសាំងមួយដបក្នុងតូបលក់ ចាប់ហួយនៅមុខផ្ទះ និងយកក្រមារុំជាមួយឫស្សី ហើយក៏ដើរឡើងទៅលើផ្ទះរបស់ ខ្លួនរួចបានចាក់សាំងដុតផ្ទះរបស់ខ្លួនដែលមានទំហំ ៦ x៨ធ្វើពីឈើប្រកក្បឿង បណ្តាលឲ្យឆេះអស់ទាំងស្រុង ។
បន្ទាប់ពីកើតហេតុ បានរាយការណ៍ទីសមត្ថកិច្ចចុះអន្តរាគមន៍ឃាត់ខ្លួនជន សង្ស័យបញ្ជូនមកអធិការដ្ឋាន
នគរបាលស្រុកកណ្តាលស្ទឹង ដើម្បីកសាងសំណុំរឿងបន្តចាត់ការតាមនីតិវិធី ៕
មតិយោបល់