ភ្នំពេញៈ ករណីគ្រោះថ្នាក់ចរាចរណ៍ រវាងម៉ូតូ និងរថយន្ត បណ្ដាលឲ្យមានអ្នករងរបួស កាលពីវេលាម៉ោង ១១និង២០នាទីយប់ថ្ងៃទី៣ ខែធ្នូ ឆ្នាំ២០២០។

ហេតការណ៍នេះ កើតទ្បើងនៅ តាមបណ្ដោយសហព័ន្ធរុស្ស៊ី ទល់មុខប្រលានយន្តហោះអន្តរជាតិភ្នំពេញ ស្ថិតក្នុងភូមិព្រៃជីសាក់ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។

ដំណើររឿង៖ ដំបូងទ្បើយគេឃើញ ម៉ូតូបង្កម៉ាក CLICK ពណ៌សលាឈាមជ្រូក ពាក់ផ្លាកលេខ ភ្នំពេញ 1HS-0819 ធ្វើដំណើរពីកើតទៅលិច ក្នុងល្បឿនលឿន។ មកដល់ចំណុចកើតហេតុ មិនប្រយ័ត្នជ្រុលទៅបុកពីក្រោយរថយន្ត ម៉ាកហាយឡែនឌ័រ ពណ៌កណ្ដុរប្រមេះ ពាក់ផ្លាកភ្នំពេញ 2AY-2664 ធ្វើដំណើរពីកើតទៅលិច ក្នុងល្បឿនមធ្យម។

ករណីនេះ បណ្ដាលឲ្យភាគីម៉ូតូដួលបោកទៅនឹងផ្លូវ រងរបួសបែកមុខមាត់ និងរលាត់ដៃជើង ចំណែករថយន្ត និងម៉ូតូរងការខូចខាតទាំងសងខាង។

ក្រោយកើតហេតុ ភាគីទាំងពីរបានសម្របសម្រួលគ្នា ដោយខាងម៉ូតូសងថ្លៃខូចខាតរថយន្តចំនួន ២៣ដុល្លារ ដើម្បីបញ្ចប់នៅកន្លែងតែម្ដង៕