កណ្តាល: ថ្ងៃពុធ ៩រោច ខែមិគសិរ ឆ្នាំជូត ទោស័កព.ស.២៥៦៤ត្រូវនឹងថ្ងៃទី៩ ខែធ្នូ ឆ្នាំ២០២០ វេលាម៉ោង០៩ និង២០នាទី មានករណីអគ្គិភ័យឆេះអគាររោងចក្រ ញូអីមេជីណេសិនលីមីធីត (កែច្នៃគ្រឿងសង្ហារឹម) នៅត្រង់ចំណុចភូមិព្រែកឡុង សង្កាត់រការខ្ពស់ ក្រុងតាខ្មៅ ខេត្តកណ្តាល។

អគាររោងចក្រខាងលើ ប្រភេទសំណង់: សំណង់សង់ពីអំពីថ្ម បណ្តោយ ៥០ម ទទឹង ១០០ម ខូចខាតអស់២០%។ សម្ភារ:ខូចខាតរួមមាន:- ឆេះគ្រឿងសង្ហារឹមមួយចំនួន ។

ករណីខាងលើនេះ មានរថយន្តជំនួយជួយអន្តរាគមន៍ពន្លត់អគ្គិភ័យសរុប៩គ្រឿងពីអង្គភាព៖ -រថយន្តអគ្គិភ័យខេត្តកណ្ដាលចំនួន៣គ្រឿង ,-រថយន្តអគ្គិភ័យរបស់នាយកដ្ឋានក្រសួងមហាផ្ទៃចំនួន៣គ្រឿង ,-រថយន្តអគ្គីភ័យអង្គរក្សចំនួន៣គ្រឿង។

មូលហេតុ៖ ឆ្លងចរន្តអគ្គិសនី (ទុស្សេខ្សែភ្លើងចេញពីឡចំហុយឈើ) ។ ករណីខាងលើនេះ មិនបណ្តាលឲ្យគ្រោះថ្នាក់ ដល់ជីវិតមនុស្សឡើយ។

សភាពរឿងហេតុ៖ ក្រោយទទួលព័ត៌មានកម្លាំងការិយាល័យអគ្គិភ័យខេត្តសហការ ជាមួយកម្លាំងនគរបាលប៉ុស្តិ៍ប៉ុស្ត៍ រកាខ្ពស់ កម្លាំងអធិការក្រុងតាខ្មៅ ចេញអន្តរាគមន៍ពន្លត់អគ្គិភ័យរថយន្តចំនួន០៩គ្រឿង ប្រើប្រាស់ទឹកអស់០៩ឡានស្មើហ្នឹង ៦៣ម៉ែត្រគូប នឹងរលត់ជាស្ថាពរនៅវេលា១០និង៥៥នាទី៕