កំពង់ស្ពឺ: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី២២ ខែធ្នូ ឆ្នាំ២០២០ វេលាម៉ោង៩និង៣០នាទីព្រឹក មានករណីអគ្គិភ័យ(ឆេះផ្ទះ) ចំនួន០១ នៅក្នុងភូមិអំពិលទឹក ឃុំចាន់សែន ស្រុកឧដុង្គ ខេត្តកំពង់ស្ពឺ បណ្តាលមកពីឆ្លងចរន្តអគ្គិសនី ។
ម្ចាស់ផ្ទះឈ្មោះ ប៉ុន ចន្ថា ភេទស្រី អាយុ ៤៣ឆ្នាំ រស់នៅភូមិអំពិលទឹក ឃុំចាន់សែន ស្រុកឧដុង្គ ខេត្តកំពង់ស្ពឺ ។
ហេតុការណ៍នេះបណ្តាលឲ្យឆេះផ្ទះអស់ចំនួន០១ខ្នងទំហំ ៦ម៉ែត្រគុណ ៧,៥០ម៉ែត្រ ធ្វើអំពីឈើប្រក់ក្បឿងសសរបេតុង, ឆេះគ្រែប្រអប់អស់ចំនួន០៤គ្រែ, ឆេះសាឡុងឈើអស់ចំនួន ០១ ឈុត, ឆេះគ្រឿងសំអាងអ៊ុតសក់ ០១ឈុតតម្លៃ ៣,៨០០(បីពាន់ប្រាំបីរយដុល្លារអាមេរិក) ឆេះប្រាក់រៀល អស់ចំនួន ១០,០០០,០០០៛(ដប់លានរៀល) និងឆេះសម្ភារ:ប្រើប្រាស់អស់មួយចំនួន ។
ករណីនេះ កម្លាំងសមត្ថកិច្ចអធិការដ្ឋាននគរបាលស្រុកឧដុង្គ១៧នាក់ រថយន្តពន្លត់អគ្គិភ័យ ១គ្រឿង និងទឹកចំនួន ២ឡាន ជួយជញ្ជូនស្រូវចំនួន ២១បេ៕
មតិយោបល់