ប៉ៃលិនៈ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅវេលាម៉ោង ១៩ និង៣០នាទី ថ្ងៃទី២៤ ខែធ្នូ ឆ្នាំ២០២០ កម្លាំងជំនាញផ្នែកនគរបាលព្រហ្មទណ្ឌ នៃអធិការដ្ឋាននគរបាលស្រុកសាលាក្រៅ សហការជាមួយកម្លាំងប៉ុស្តិ៍ស្ទឹងកាច់ បានឃាត់ខ្លួនជនសង្ស័យម្នាក់ដែលជាប់ពាក់ព័ន្ធក្នុងករណីលួច (ម៉ូតូ) កាលពីថ្ងៃទី២៣ ខែធ្នូ ឆ្នាំ២០២០ ស្ថិតនៅចំណុចផ្ទះជួល គឹម មី ភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន។
មន្រ្តីនគរបាលស្រុកសាលាក្រៅ បានឲ្យដឹងថា ៖ ជនរងគ្រោះឈ្មោះ ឡុង គីមឡេង ភេទប្រុស អាយុ ៣៥ឆ្នាំ រស់នៅភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ ជនសង្ស័យឈ្មោះ នួនវិចិត្រ ភេទប្រុស អាយុ ២៤ឆ្នាំ មុខរបរកម្មករ ស្នាក់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ ម៉ូតូដែលបាត់ម៉ាក ហុងដា ឃ្លីក សេរីឆ្នាំ ២០១៥ ពណ៌ ស លាយខ្មៅ ពាក់ស្លាកលេខប៉ៃលិន ១C-០៦៩៩ ។
បច្ចុប្បន្នជនជនសង្ស័យ ត្រូវបានសមត្ថកិច្ចឃាត់ខ្លួន និងបញ្ជូនមកអធិការដ្ឋាននគរបាលស្រុកសាលាក្រៅដើម្បីចាត់ការតាមនីតិវិធីច្បាប់ ៕
មតិយោបល់