ផ្ទះ ព័ត៌មានជាតិ អាសូរណាស់! បុ...

អាសូរណាស់! បុរស​រត់ឡានតាក់ស៊ីម្នាក់ ​ទៅ​ចាប់​ត្រីស្រែ​ប៉ះ​ខ្សែលួស​ភ្ជាប់​ចរន្ត​ភ្លើង​ បណ្តាល​ឲ្យ​ឆក់​ស្លាប់

0

​កណ្ដាល:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នគរបាល​ជំនាញ​ស្រុក​កោះធំ​ ចុះ​ពិនិត្យ​សាកសព​បុរស​ម្នាក់​ ក្រោយ​ពី​មាន​ករណី​ឆក់​ចរន្តអគ្គិសនី​ បណ្ដាល​ឲ្យ​ស្លាប់​ ដែល​ករណី​នេះ​ បាន​កើតឡើង​ វេលា​ម៉ោង​១២​អធ្រាត្រ​ នៅ​យប់​ថ្ងៃ​ទី​៩​ ខែមករា​ ឆ្នាំ​២០២១​ នៅ​ចំណុច​ស្រះ​ត្រី​របស់​ឈ្មោះ​ អ៊ុ​ន​ ថេ​ ចុង​ព្រែក​ស្រ៊​ន​ ស្ថិត​ក្នុងភូមិ​ព្រែក​ម្រេញ​ ឃុំ​ពោធិ​បាន​ ស្រុក​កោះធំ​ ខេត្តកណ្តាល​ ។​

​ ម​ន្ត្ថី​នគរបាល​ស្រុក​កោះធំ ​បាន​ឲ្យ​ដឹង​ថា​ ជន​រង​គ្រោះ​ឈ្មោះ​ ពក​ ជឿន​ ភេទ​ប្រុស​ អាយុ​៣៨​ឆ្នាំ​ ជនជាតិ​ខ្មែរ​ មុខរបរ​ (​ រត់​ឡាន​តាក់ស៊ី​ )​ មាន​ទីលំនៅ​ភូមិ​ព្រែក​ម្រេញ​ ឃុំ​ពោធិ​បាន​ ស្រុក​កោះធំ​ ខេត្តកណ្តាល​។​ ចំណែក​ជា​ម្ចាស់​ស្រះ​ឈ្មោះ​ អ៊ុ​ន​ ថេ​ ភេទ​ប្រុស​ អាយុ​៥៦​ឆ្នាំ​ ជនជាតិ​ខ្មែរ​ មុខរបរ​កសិករ​ មាន​ទីលំនៅ​ភូមិ​ព្រែក​ម្រេញ​ ឃុំ​ពោធិ​បាន​ ស្រុក​កោះធំ​ ខេត្តកណ្តាល​ (​រត់គេច​ខ្លួន​ )​ ។​

​វត្ថុ​តាង​នៅ​កន្លែង​កើតហេតុ​ មាន​អា​គុយ​ ម៉ាក​ BBC​ ពណ៌​ខ្មៅ​៧០​អំពែរ​ ចំនួន​០១​គ្រឿង​,​ អាំង​វ៉ិ​ច​ទ័​រ​បំ​លែង​ភ្លើង​អា​គុយ​ ចំនួន​១​គ្រឿង​ ខ្សែលួស​ប្រវែង​ ៤០​ម៉ែត្រ​ ។​

​ ប្រភព​ដដែល​បន្ត​ថា​ កើតហេតុ​ នៅ​ថ្ងៃ​ទី​៨​ ខែមករា​ ឆ្នាំ​២០២១​ វេលា​ម៉ោង​២១​និង​៣០​នាទី​ ជន​រង​គ្រោះ​បាន​ចេញពីផ្ទះ​ ដើម្បី​ទៅ​មើល​គេ​បូមទឹក​ដាក់​ស្រូវ​ក្នុង​គោលបំណង​ទៅ​ចាប់​ត្រី​ ។​ លុះ​ទៅ​ដល់​ចំណុច​ដីស្រែ​ស្រូវ​ ជន​រង​គ្រោះ​បាន​យក​ភ្លើង​ហ្វា​ពី​ឈ្មោះ​ ហេង​ ណេ​ង​ ដោយ​ប្រាប់​ ហេង​ ណេ​ង​ ថា​ទៅ​ចាប់​ត្រី​ ។​ បាន​មួយសន្ទុះ​ក្រោយមក​ ក៏​ឮ​សម្រែក​ ឈ្មោះ​ ពក​ ជឿន​ ស្រែ​កថា​ជួយ​ផង​ ភ្លាម​នោះ​ ឈ្មោះ​ ផល​ ភាព​ និង​ឈ្មោះ​ ហេង​ ណេ​ង​ ទៅ​កន្លែង​កើតហេតុ​ ឃើញ​ជន​រង​គ្រោះ​ដួល​ប៉ះ​នឹង​ខ្សែលួស​ ដែល​ឈ្មោះ​ អ៊ុ​ន​ ថេ​ រាយ​ឆក់​ការពារ​ កុំឲ្យ​គេ​ចូលចាប់​ត្រី​ ។​ ភ្លាម​នោះ​ ផល​ ភាព​ និង​ ហេង​ ណេ​ង​ បាន​យក​ឈើ​គៀស​ខ្សែលួស​ចេញ​ ដើម្បី​ជួយ​ជន​រង​គ្រោះ​ តែ​ជន​រង​គ្រោះ​បាន​ស្លាប់​បាត់​ទៅ​ហើយ​ ក៏​យក​សាកសព​ជន​រង​គ្រោះ​មក​ផ្ទះ​ រួច​រាយការណ៍​ជូន​អាជ្ញាធរ​ និង​រាយការណ៍​បន្ត​មក​អធិការដ្ឋាន​នគរបាល​ស្រុក​កោះធំ​ ។​

​ ក្រោយ​ពី​បាន​ទទួល​ បញ្ជា​ពី​លោក​អធិការ​ ផ្នែក​ជំនាញ​បាន​ចុះ​ទៅ​ដល់​កន្លែង​កើតហេតុ​ ដោយ​សហ​ការ​ ជាមួយ​ប៉ុស្តិ៍​នគរបាល​រដ្ឋបាល​ លោកគ្រូ​ពេទ្យ​ អាជ្ញាធរ​មូលដ្ឋាន​ និង​ក្រុម​គ្រួសារ​ជន​រង​គ្រោះ​ ដើម្បី​ធ្វើការ​ពិនិត្យ​កន្លែង​កើតហេតុ​ និង​ពិនិត្យ​សាកសព​ឃើញ​ថា​ សាក​មាន​ស្នាម​ឆេះ​ខ្មៅ​នៅ​លើ​.​ក​ មុខ​ខាងឆ្វេង​ ប្រវែង​១០​សង្ទីម៉ែត្រ​ ស្នាម​ឆេះ​លើ​កំភួនដៃ​ខាងស្តាំ​ ប្រវែង​១១​ សង្ទីម៉ែត្រ​ ស្នាម​ឆេះ​លើ​ម្រាមដៃ​ស្តាំ​ចំនួន​០៤​ម្រាម​ នឹង​ស្នាម​ឆេះ​លើ​ មេដៃ​ខាងឆ្វេង​ប្រវែង​ ០២​សង្ទីម៉ែត្រ​ ក្រៅពី​ស្លាកស្នាម​នេះ​ ពុំ​មាន​ស្នាក់​ស្នាម​អ្វី​ផ្សេង​គួរ​ឲ្យ​កត់សម្គាល់​ឡើយ​ ។​

​ តាម​ការ​សន្និដ្ឋាន​ថា​ ជន​រង​គ្រោះ​ស្លាប់​ដោយសារ​ឆក់​ចរន្ត​ភ្លើង​ ដែល​ឈ្មោះ​ អ៊ុ​ន​ ថេ​ រាយ​ការពារ​ផលប្រយោជន៍​របស់​ខ្លួន​ បណ្តាល​ឲ្យ​ស្លាប់​អ្នក​ដទៃ​ ។​ ក្រោយ​ពី​ពិនិត្យ​ចប់​សព្វគ្រប់​ បាន​ប្រគល់​សព​ជូន​ក្រុម​គ្រួសារ​ធ្វើបុណ្យ​តាម​ប្រពៃណី​ ៕​

មតិយោបល់