ផ្ទះ ព័ត៌មានជាតិ សមត្ថកិច្ចឃាត...

សមត្ថកិច្ចឃាត់ខ្លួនជនសង្ស័យ ២នាក់ ក្នុងចំណោមប្រមាណ ១០នាក់ ជាមុខសញ្ញាធ្លាប់ស្ទាក់វាយគេ​ជាញឹកញាប់ នៅស្រុក​កោះធំ

0

កណ្ដាល: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា នៅថ្ងៃសុក្រ០២កើត​ ខែមាឃ ឆ្នាំជូត ទោស័កព.ស២៥៦៤ ត្រូវនិង ថ្ងៃទី១៥ ខែមករា ឆ្នាំ២០២១​ វេលាម៉ោង១៥​ និង៣០នាទីមានករណីហិង្សារដោយចេតនានៅចំណុចសួនកម្សាន្តវត្តជ្រោយតាកែវ ស្ថិតក្នុងភូមិព្រែកកំពង់ដរ ឃុំជ្រោយតាកែវ ស្រុកកោះធំ ខេត្តកណ្ដាល។

ជនរងគ្រោះ មានចំនួន០៤ នាក់:
១/-ឈ្មោះ ហម សំណាង ភេទប្រុស អាយុ២០ឆ្នាំ​ ជនជាតិ​ខ្មែរ​ មានទីលំនៅភូមិ​ចុងខ្សាច់​ ឃុំឈើខ្មៅ​ ស្រុកកោះធំ​ ខេត្តកណ្ដាល​ មុខរបរ​ កសិករ​ ។
២/-​ ឈ្មោះ សយ ដាវីត ភេទប្រុស អាយុ១៨ឆ្នាំ​ ជនជាតិខ្មែរ​ មានទីលំនៅភូមិ​ចុងខ្សាច់​ ឃុំឈើខ្មៅ​ ស្រុកកោះធំ​ ខេត្តកណ្ដាល​ មុខរបរ​ កសិករ​ ។
៣/-​ឈ្មោះ​ ធូ សម្បត្តិ ភេទប្រុស អាយុ១៧ឆ្នាំ​ ជនជាតិ​ខ្មែរ​ មានទីលំនៅភូមិ​ធំ​ ឃុំឈើខ្មៅ​ ស្រុកកោះធំ​ ខេត្តកណ្ដាល​ មុខរបរ​កសិករ​។
៤/-ឈ្មោះ ចាន់ សុវណ្ណរិទ្ធ ភេទប្រុស អាយុ១៧ឆ្នាំ​ ជនជាតិ​ខ្មែរ​ មានទីលំនៅភូមិ​ធំ​ ឃុំឈើខ្មៅ​ ស្រុកកោះធំ​ ខេត្តកណ្ដាល​ មុខរបរ​កសិករ​។

ជនសង្ស័យ​ ០២នាក់(ឃាត់ខ្លួន​)៖
១/-ឈ្មោះ គង់ លីហេង ភេទប្រុស អាយុ១៨ឆ្នាំ​ជនជាតិខ្មែរ​ មានទីលំនៅភូមិ​ព្រែកថ្មី ឃុំជ្រោយតាកែវ ស្រុកកោះធំ ខេត្តកណ្ដាល​ មុខរបរ​ កសិករ​។
២/-ឈ្មោះ ផាន់ណា ផានិត ភេទប្រុស អាយុ១៦​ឆ្នាំ​ ​ជនជាតិខ្មែរ​ មាន​ទីលំនៅភូមិព្រែកតាទៀង ឃុំជ្រោយតាកែវ ស្រុកកោះធំ ខេត្តកណ្ដាល​ មុខរបរ​សិស្ស​។
ចំណែកបក្ខពួកជនសង្ស័យជាច្រើននាក់ទៀត​ បានរត់គេចខ្លួន។

កន្លងមកជនសង្ស័យទាំង០២នាក់ខាងលើ​ រួមជាមួយនិងបក្ខពួកដែលបានរត់គេចខ្លួន​ គឺមុខសញ្ញា ដែលធ្លាប់បានស្ទាក់វាយគេ​ ជាញឹកញាប់​ ត្រង់ចំណុចស្ពានឆ្លងទន្លេបាសាក់​កោះធំ​ សួនកម្សាន្ដវត្តជ្រោយតាកែវជាដើម​ ពេលស្ទាក់វាយគេហើយ ក្រុមគេបានរត់គេច ខ្លួនរហូត សមត្ថកិច្ចបានត្រឹមតែកសាង សំណុំរឿងទៅតុលាការប៉ុណ្ណោះ ។ លុះនៅមុនពេលកើតហេតុខាងលើ ជនរងគ្រោះទាំងបួននាក់ខាងលើ បាននាំគ្នាទៅលេងនៅសួនវត្តជ្រោយតាកែវ ខណ:ពេលនោះក្រុមជនរងគ្រោះកំពុងអង្គុយលេង ស្រាប់តែក្រុមជនសង្ស័យ​មានគ្នាប្រមាណ ១០នាក់​ ហើយក៏បាននាំគ្នាព្រួតវាយលើជនរងគ្រោះ បណ្ដាលឲ្យរងរបួសធ្ងន់ម្នាក់ប៉ោងមុខមាត់​ និងរបួសស្រាល០៣នាក់តែម្ដង។​ ក្រោយពេលកើតហេតុភ្លាម​ ជនរងគ្រោះ​ក៏បាននាំគ្នាមកដាក់ពាក្យបណ្ដឹងនៅប៉ុស្ដិ៍នគរបាលរដ្ឋបាលជ្រោយតាកែវតែម្ដង។

បន្ទាប់ពីទទួលបានបណ្ដឹងភ្លាម​ សម្ថកិច្ចយើងក៏បានធ្វើការស្រាវជ្រាវ​តាមជំនាញយ៉ាងយកចិត្តទុកដាក់​ រហូតកំណត់បានមុខសញ្ញាសង្ស័យ​ ០២នាក់ខាងលើ ។ លុះនៅរសៀលថ្ងៃទី១៦​ ខែមករា​ ឆ្នាំ​២០២១​ ក៏បានហៅជនសង្ស័យទាំង​០២នាក់ខាងលើ មកធ្វើ​ការសាកសួរ។

​ នៅចំពោះមុខសមត្ថកិច្ចជនសង្ស័យខាងលើនេះ​ បានឆ្លើយសារភាពថា​ រូបខ្លួនទាំង០២នាក់​ និងបក្ខពួក​០៦នាក់ផ្សេងទៀតពិតជាបានធ្វើសកម្មភាពដេញវាយទៅលើអ្នកដទៃចំនួន០៤នាក់​ ដែលកំពុងអង្គុយលេងក្នុងសួនកម្សាន្តវត្តជ្រោយតាកែវ​ កាលពីថ្ងៃទី១៥​ ខែមករា​ ឆ្នាំ​២០២១​ ប្រាកដមែន​ តែជនដៃដល់គឺជាបក្ខពួកគេផ្សេងទៀត​គឺមានឈ្មោះ​ រ៉ូ​ ភេទប្រុស​ ឈ្មោះ​ ហុង​ ភេទប្រុស​ ឈ្មោះ​ តុលា​ ភេទប្រុស​ ឈ្មោះ​ ឧត្តម​ ភេទប្រុស​ ដែលជាជនដៃដល់។

បច្ចុប្បន្ន​ជនសង្ស័យ​ ទាំង​០២នាក់ខាងលើ​ ត្រូវបានឃាត់ខ្លួន​នៅអធិការដ្ឋាននគរបាលស្រុក​កោះធំ​ ដើម្បីកសាងសុំណុំរឿងចាត់ការតាមច្បាប់៕

មតិយោបល់