ភ្នំពេញ: មានរឿងរ៉ាវដ៏ភ្ញាក់ផ្អើលមួយ បានកើតឡើងបន្ទាប់ពីស្ត្រីរងគ្រោះ ជាអ្នកធ្វើការនៅកាស៊ីណូមួយកន្លែង នៅក្រុងព្រះសីហនុ បើកលុយរួចហើយ បានហៅតាក់ស៊ី ជិះមកភ្នំពេញ ស្រាប់តែត្រូវតៃកុងតាក់ស៊ី ប៉ងរំលោភតាមផ្លូវ។

ហេតុការណ៍នេះ បានកើតឡើងកាលពីវេលាម៉ោងជាង ៣រំលងអធ្រាត្រ ឈានចូលថ្ងៃទី១១ ខែធ្នូ ឆ្នាំ២០១៩ ស្ថិតតាមបណ្តោយផ្លូវ៥៩៨ ក្នុងភូមិគង្គាផុស សង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ។

ស្ត្រីខាងលើឈ្មោះ ស ម អាយុ៣៤ឆ្នាំ មុនរបរបម្រើការងារនៅកាស៊ីណូមួយកន្លែង ក្នុងខេត្តព្រះសីហនុ ស្នាក់នៅរាជធានីភ្នំពេញ។ ជនសង្ស័យឈ្មោះ រ៉េត អាយុ២៩ឆ្នាំ មុខរបរតៃកុងឡាន ស្នាក់នៅសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។

តាមប្រភពព័ត៌ពីស្ត្រីរងគ្រោះ បានឲ្យអ្នកកាសែតដឹងថា បន្ទាប់ពីគាត់បើកលុយរួច ក៏បានហៅរថយន្តក្រុង តែដោយសាររថយន្តក្រុងអស់សំបុត្រ ទើបគាត់ហៅតាក់ស៊ី មួយគ្រឿង ជិះតែតាក់ស៊ីនោះ បានប៉ះសេ(ផ្ទេរ) មកឲ្យតាក់ស៊ីរបស់ជនសង្ស័យ គាត់ក៏ទ្បើងជិះពីបេនឡានមហោស្រពក្រុងព្រះសីហនុ ខណ:ជិះនោះ ជនសង្ស័យបានឲ្យគាត់ទៅអង្គុយខាងមុខ ហើយរាវគាត់រហូត។

ក្រោយមកជនសង្ស័យ បានអែបឡានមកខាង ហើយធ្វើជាឡានខូច ហើយនិយាយថា ប្រពន្ធសម្លាញ់ឡាន ដេអត់ឆេះទេ ខណ:នោះ គាត់ និងជនសង្ស័យ មិនដែលស្គាល់គ្នាពីមុនមកសោះ។ បន្ទាប់មកជនសង្ស័យ បានធ្វើសកម្មភាពរំលោភ តែមិនមិនសម្រេច ព្រោះជនរងគ្រោះ បោចសក់ និងធាក់ទាញចេញពីទ្វារឡាន រត់ចុះហៅឡានផ្សេងជិះ តែជនសង្ស័យបានលួងថា គេជូនដល់ផ្ទះ មិនយកលុយទេ ជនរងគ្រោះ ក៏ប្រថុយយល់ព្រម ព្រោះចង់លួងចាប់ជនសង្ស័យ។ ខណ:មុនឡើងឡាន ជនសង្ស័យថា ព្រមដេកផ្ទះសំណាក់ ជាមួយគេទេ ពេលនោះ ដើម្បីលួងជងសង្ស័យ ជនរងគ្រោះ ក៏ឆ្លើយថាអូខេព្រម។

ស្ត្រីខាងលើបន្តថា ជនសង្ស័យ បានលូកលាន់សព្វអស់ហើយ ក៏ឈប់រថយន្តតាមផ្លូវ៣ទៅ៤ដងទៀត។ ស្ត្រីដែលអះអាថា តៃកុងរថយន្តប៉ងចាប់រំលោភនោះ បានសំណូពរឲ្យសមត្ថកិច្ច ចាត់ការជនសង្ស័យតាមផ្លូវច្បាប់។

ចំណែកបុរសជាតៃកុងឡាន ដែលរងការចោទនោះ បាននិយាយថា ខ្លួនគ្រាន់តែចាប់ដៃប៉ុណ្ណោះ។ ទោះយ៉ាងណាករណីខាងលើនេះ ត្រូវបានប្រភពព័ត៌មានច្បាស់ការឲ្យដឹងថា ភាគីទាំងសងខាង បានសម្រួលគ្នា បញ្ចប់រឿងនៅប៉ុស្តិ៍ប៉ូលិសរួចទៅហើយ ដោយគ្រាន់តែធ្វើកិច្ចសន្យា មិនមានការប្តឹងវែងឆ្ងាយនោះទេ៕