ផ្ទះ ព័ត៌មានជាតិ យុវជនម្នាក់ ជ...

យុវជនម្នាក់ ជិះម៉ូតូរេចង្កូតបុកបង្កាន់ដៃស្ពាន បណ្តាលឲ្យរងរបួសធ្ងន់

0

ប៉ៃលិន:​ យោងតាមផេក ការិយាល័យផ្សព្វផ្សាយតាមបណ្តាញសង្គម បានឲ្យដឹងថា នៅវេលា​ម៉ោង១៨និង​៣០នាទី ថ្ងៃ​ពុធ​០៧កើត ខែ​មាឃ ឆ្នាំ​ជូត ទោស័ក ព.ស.​២៥៦៤ ត្រូវ​នឹង​ថ្ងៃ​ទី​២០ ខែ​មករា ឆ្នាំ​២០២១ មានករណីគ្រោះ​ថ្នាក់​ចរាចរណ៍​ដោយខ្លួនឯងចំនួន ០១ករណី ប;កម៉ូតូបុកបង្កាន់ដៃស្ពានដោយអ្នកបើកបរ បើកបរក្នុងស្ថានភាពស្រវឹង​ស្រា​ ក៏បើក​រ៉េចង្កូត​ទៅ​បុក​និងបង្កាន់ដៃស្ពាន ។

នៅចំណុចស្ពានវាងក្រុង​ ស្ថិត​ក្នុង​ភូមិ​ក្ងោក​ ឃុំស្ទឹងកាច់ ស្រុក​សាលាក្រៅ​ ខេត្ត​ប៉ៃលិន ​។

ជនរងគ្រោះ​ឈ្មោះ​ ជន​ រី​ ភេទ​ប្រុស​ អាយុ​១៨ឆ្នាំ​ មានទីលំនៅបច្ចុប្បន្ន នៅភូមិ​ស្រង់មានជ័យ ឃុំ​ស្ទឹងកាច់​ ស្រុកសាលាក្រៅ​ ខេត្ត​ប៉ៃលិន មុខ​របរ កម្មករ​បើកបរ​ម៉ូតូ​ម៉ាកសង់កូរ៉េ​ ពណ៌ក្រហម​ គ្មានផ្លាកលេខ​ បើកបរមិនពាក់មួកការពារសុវត្ថិភាព​ និងគ្មាន​ភ្លើងបំភ្លឺ​ផ្លូវ​។

​បច្ចុប្បន្ន ជនរងគ្រោះ​ត្រូវ​បាន​សាច់ញាតិបញ្ជូនទៅព្យាបាលនៅមន្ទីរពេទ្យ​បង្អែក​ខេត្ត​ប៉ៃលិន​ ចំណែកឯម៉ូតូ​ត្រូវ​បានយកទៅរក្សាទុក នៅប៉ុស្តិ៍នគរបាលរដ្ឋបាលស្ទឹងកាច់៕

មតិយោបល់