ផ្ទះ ព័ត៌មានជាតិ រថយន្ត​​កា​ម៉...

រថយន្ត​​កា​ម៉ា​រី ផ្លាក​លេខ​បាត់ដំបង​ 2A-0170 ​​រេ​ចង្កូត​បុក​ម៉ូតូ ​បណ្តាល​ឲ្យ​៣នាក់ ស្លាប់និង​របួសធ្ងន់​

0

​បាត់ដំបង:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា យ៉ាង​ហោច​ណាស់​មនុស្ស​បាន​ស្លាប់​នៅ​ពេល​បញ្ជូន​ទៅ​សង្គ្រោះ​នៅ​មន្ទីរ​ពេទ្យ​ និង​មនុស្ស​២​នាក់​ទៀត ​បាន​រង​របួសធ្ងន់​កំពុង​សម្រាក​ព្យាបាល​ ខណ:​កំពុង​បើកបរ​ម៉ូតូឌុប​គ្នា​ ហើយ​ត្រូវ​រថយន្ត​១​គ្រឿង​រេ​ចង្កូត​មក​បុក​ ។​

​ហេតុការណ៍​នេះ​កើតឡើង​នៅ​ថ្ងៃ​ទី​២៥​ ខែមករា​ ឆ្នាំ​២០២១​ វេលា​ម៉ោង​២១​និង​១០​នាទី​ ស្ថិត​នៅ​ចំណុច​ភូមិ​អូរ​ស្ងាត់​ ឃុំ​សន្តិភាព​ ស្រុក​សំពៅ​លូន​ ខេត្តបាត់ដំបង​ ។​

​លោក​វរសេនីយ៍ឯក​ ពេជ្រ​ សា​រ៉ែ​ន​ អធិការ​នគរបាល​ស្រុក​សំពៅ​លូន​ បាន​រាយការណ៍​ឲ្យ​ដឹង​ថា​ មាន​រថយន្ត​ម៉ាក​កា​ម៉ា​រី​ ស៊េរី​ឆ្នាំ​១៩៩៤​ ស្លាក​លេខ​ បាត់ដំបង​ 2A-0170​ បើកបរ​ដោយ​ឈ្មោះ​ ស៊ួ​ ប៊ុ​នរ​ត្ន័​ ភេទ​ប្រុស​ អាយុ​៣៦​ឆ្នាំ​ មាន​ទីលំនៅ​ភូមិ​បារាំង​ធ្លាក់​ ឃុំ​បារាំង​ធ្លាក់​ ស្រុក​ភ្នំព្រឹក​ ខេត្តបាត់ដំបង​ បាន​បុក​ ម៉ូតូ​ម៉ាក​ឌ្រី​ម​ ស៊េរី​ឆ្នាំ​២០១២​ ពណ៌​ខ្មៅ​ ស្លាក​លេខ​ បាត់ដំបង​ 1P-3956​ បើកបរ​ដោយ​ ឈ្មោះ​ ទិន​ ញួ​ង​ ភេទ​ប្រុស​ អាយុ​២៧​ឆ្នាំ​ (​រង​របួសធ្ងន់​)​ រួម​នឹង​អ្នក​រួម​ដំណើរ​ចំនួន​២​នាក់​ទៀត​ ១.​ឈ្មោះ​ អាន​ ចាន់​រ៉ា​ ភេទ​ស្រី​ អាយុ​១៤​ឆ្នាំ​ (​រង​របួសធ្ងន់​)​ និង​២.​ឈ្មោះ​ នុ​ច​ យិ​ន​ ភេទ​ប្រុស​ អាយុ​៥៩​ឆ្នាំ​ ត្រូវជា​ឪពុក​ (​របួសធ្ងន់​ និង​បាន​ស្លាប់​បាត់បង់​ជីវិត​ក្រោយ​បញ្ជូន​ទៅ​មន្ទីរពេទ្យ​បង្អែក​ស្រុក​សំពៅ​លូន​)​ អ្នក​ទាំង​បី​រស់នៅ​ភូមិ​អូរ​កាច់​ ឃុំ​បឹង​បេង​ ស្រុក​ម៉ា​ឡៃ​ ខេត្តបន្ទាយមានជ័យ​។​

​ក្រោយ​កើតហេតុ​សមត្ថកិច្ច​បាន​ចុះ​ធ្វើការ​ត្រួតពិនិត្យ​ និង​វាស់វែង​ ទើប​បញ្ជាក់​ឲ្យ​ដឹង​ថា​ មូលហេតុ​នៃ​គ្រោះថ្នាក់​ចរាចរណ៍​នេះ​ គឹ​បណ្តាល​មក​ពី​អ្នកបើកប​រថយន្ត​បើក​មិន​ប្រកាន់​ស្តាំ​ រេ​ចង្កូត​មក​ឆ្វេង​ដៃ​មក​បុក​និង​ម៉ូតូ​តែ​ម្តង​ ។​

​ករណី​នេះ​ សមត្ថកិច្ច​ជំនាញ​កំពុង​កសាង​សំណុំរឿង​រង់ចាំ​ចំណាត់ការ​តាម​ផ្លូវច្បាប់​ ចំណែកឯ​ម៉ូតូ​និង​រថយន្ត​បាន​នាំ​យក​មក​រក្សា​នៅ​អធិការដ្ឋាន​នគរ​ស្រុក​សំពៅ​លូន​។​ រីឯ​ សាកសព​ជន​រង​គ្រោះ​ត្រូវ​បាន​គ្រួសារ​យក​ទៅ​ធ្វើ​ពិធីបុណ្យ​តាម​ប្រពៃណី​ ៕

មតិយោបល់