ព័ត៌មានជាតិ

សិស្សសាលានាំគ្នាមក​អង្គុយ​លេង នៅរមណីយដ្ឋាន​ ជន្លុង​ម្លូ ត្រូវជនមិនស្គាល់មុខ១ក្រុម ប្រដាប់ដោយដាវ និងកាំបិតកាប់ ឲ្យរបួសធ្ងន់ម្នាក់

​កណ្តាល:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា យុវជន​ម្នាក់​ត្រូវ​បាន​ជន​មិន​ស្គាល់​អត្តសញ្ញាណ​១​ក្រុម​ ប្រដាប់​ដោយ​ដាវ​ កាំបិត​មក​កាប់​ប្រហារ​បណ្តាល​ឲ្យ​រង​របួសធ្ងន់​ ខណ:​រូបគេ​ និង​មិត្តភក្តិ​កំពុង​អង្គុយ​លេង​នៅ​រមណីយដ្ឋាន​មួយ​ ។​

​ហេតុការណ៍​នេះ​បាន​កើតឡើង​នៅ​នៅ​ថ្ងៃ​ទី​៣០​ ខែ​មក​រា​ ឆ្នាំ​២០២១​ វេលា​ម៉ោង​១៦​និង​៣០​នាទី​ ចំណុច​រមណីយដ្ឋាន​ ជន្លុង​ម្លូ​ ភូមិ​ចុង​បឹង​ ឃុំ​ម្កាក់​ ស្រុក​អង្គស្នួល​ខេត្តកណ្តាល​ ។​

​ជន​រង​គ្រោះ​ឈ្មោះ​ ភុំ​ សា​មុត​ ភេទ​ប្រុស​ អាយុ​២០​ឆ្នាំ​ មុខរបរ​សិស្ស​ នៅ​ភូមិ​ចុង​បឹង​ ឃុំ​ម្កាក់​ ស្រុក​អង្គស្នួល​ ខេត្តកណ្តាល​ ។​ ចំណែក​ជន​ដៃដល់​មាន​គ្នា​ប្រហែល​១០​នាក់​មិន​ស្គាល់​អត្តសញ្ញាណ​ ។​

​ប្រភព​ព័ត៌មាន​បាន​ឲ្យ​ដឹង​ថា​ មុន​ពេល​កើតហេតុ​ថ្ងៃ​៣០​ ខែមករា​ ឆ្នាំ​២០២១​ វេលា​ម៉ោង​ប្រហែល​១៦​និង​៣០​នាទី​ ជន​រង​គ្រោះ​បាន​ទៅ​​លេង​នៅ​រមណីយដ្ឋាន​ ជន្លុង​ម្លូរ​ជាមួយ​មិត្ត​ភក្ត្រ​ ស្រីៗ​ ចំនួន​០៤​នាក់​ទៀត​ដែល​មាន​ ៖

១.​ឈ្មោះ​ ចិត្ត​ នី​តី​ ភេទ​ស្រី​អាយុ​ ១៧​ ឆ្នាំ​ មុខរបរ​សិស្ស​នៅ​អង្គ​ស្រែ​ពោ​ធ៍​ ឃុំ​ទួល​ព្រេច​ ស្រុក​អង្គស្នួល​ ខេត្តកណ្តាល​ ។​
២.​ឈ្មោះ​ ផល​ ស្រី​ល​ក្ខ័​ ភេទ​ស្រី​ អាយុ​ ១៧​ ឆ្នាំ​ មុខរបរ​សិស្ស​ នៅ​ភូមិ​ ច្រក​ក្រសាំង​ ឃុំ​ទូល​ព្រេច​ ស្រុក​អង្គស្នួល​ ខេត្តកណ្តាល​
៣.​ឈ្មោះ​ ធា​ សុជាតា​ ភេទ​ស្រី​អាយុ​១៧​ឆ្នាំ​បុ​ខរ​បរ​ សិស្ស​នៅ​ភូមិ​ទន្លាប់​ ឃុំ​ទួល​ព្រេច​ស្រុក​អង្គស្នួល​ ខេត្តកណ្តាល​ និង​
៤.​ឈ្មោះ​សរ​ ស្រី​ល​ក្ខ័​ ភេទ​ស្រី​អាយុ​១៦​ ឆ្នាំ​មុខរបរ​សិស្ស​ នៅ​ភូមិ​ពោធិ​បួន​ ឃុំ​ម្កាក់​ ស្រុក​អង្គស្នួល​ ខេត្តកណ្តាល​ ។​

លុះដល់​មោង​១៦​ជាង​ ស្រាប់តែ​មាន​មនុស្ស​១​ក្រុម​ ប្រហែល​១០​នាក់​ ជិះ​ម៉ូតូ​មាន​កាន់​កាំបិត​ ដាវ​មក​កាប់​ជន​រង​គ្រោះ​ បណ្តាល​ឲ្យ​រង​របួសធ្ងន់​តែ​ម្តង​ ។​

​បន្ទាប់​ពី​កើតហេតុ​ ជន​រង​គ្រោះ​ត្រូវ​បាន​សាច់ញាតិ​បញ្ជូន​មក​ព្យាបាល​របួស​នៅ​មន្ទីរពេទ្យ​អាត​ អន្ទុង​ក្រវៀន​ ហើយ​បន្ត​យក​ទៅ​សង្គ្រោះ​បន្ទាន់​នៅ​មន្ទីរ​លោកសង្ឃ​រាជធានី​ភ្នំពេញ​បន្ត​ទៀត​ ។​ ​ករណី​នេះ​សមត្ថកិច្ច​ កំពុង​បន្ត​ចុះ​ធ្វើការ​ស្រាវជ្រាវ​ ស៊ើបអង្កេត​ តាម​នីតិ​​វិធី​ ៕

មតិយោបល់