ផ្ទះ ព័ត៌មានជាតិ ជនសង្ស័យម្នាក...

ជនសង្ស័យម្នាក់ យកពូថៅកាប់ទៅលើជនរងគ្រោះ បណ្តាលឲ្យត្រូវពោះ និងខ្នង រងរបួសធ្ងន់

0

​បាត់ដំបង:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កម្លាំង​នគរបាល​ស្រុក​ថ្មគោល​បាន​បង្ក្រាប​ឃាត់ខ្លួន​ជន​ដៃដល់​ម្នាក់​ ពាក់ព័ន្ធ​ករណី​ហិង្សា​ដោយ​ចេតនា​មាន​អាវុធ​ (​ប្រើ​ពូថៅ​កាប់​បណ្តាល​ឲ្យ​របួស​)​ បណ្តាល​ឲ្យ​មនុស្ស​ម្នាក់​រង​របួសធ្ងន់​។​

​ករណី​នេះ​កើតឡើង​នៅ​ថ្ងៃ​ទី​១៥​ ខែកុម្ភ:​ ឆ្នាំ​២០២១​ វេលា​ម៉ោង​១៩​និង​០០​នាទី​ នៅ​ចំណុច​ក្រុម​ទី​១០​ ភូមិ​ទួល​ ឃុំ​រូង​ជ្រៃ​ ស្រុក​ថ្មគោល​ ។​

​ជន​បង្ក​ឈ្មោះ​ គី​ មនោ​រម្យ​ ហៅ​ (​គួ​យ​)​ ភេទ​ប្រុស​ អាយុ​២៨​ឆ្នាំ​ រស់នៅ​ភូមិ​ទួល​ ឃុំ​រូង​ជ្រៃ​ ស្រុក​ថ្មគោល​ បាន​យក​ពូថៅ​កាប់​មក​លើ​ជន​រង​គ្រោះ​ឈ្មោះ​ យ៉ុ​ម​ សំណើម​ ភេទ​ប្រុស​ អាយុ​៣៨​ឆ្នាំ​ រស់នៅ​ភូមិ​-ឃុំ​ជាមួយ​គ្នា ​បណ្ដាល​ឲ្យ​រង​របួស​ត្រូវ​ពោះ​ ០១​កន្លែង​ និង​ខ្នង​ ០១​កន្លែង​ ត្រូវ​បាន​ក្រុម​គ្រួសារ ​បញ្ជូន​មក​មន្ទីរពេទ្យ​បង្អែក​ ស្រុក​ថ្មគោល ​។​ ក្នុង​នោះ​សមត្ថកិច្ច​បាន​ធ្វើការ​ដកហូត​ ពូថៅ​ផ្លែ​ដែក​ដង​ឈើ​ចំនួន​០១ ​។​

​បច្ចុប្បន្ន​ ជនដៃ​ដល់​និង​វត្ថុ​តាង​ កម្លាំង​នគរបាល​ជំនាញ ​នៃ​អធិការដ្ឋាន​នគរបាល​ស្រុក​ ថ្មគោល​កសាង​សំណុំរឿង​ ចាត់ការ​បន្ត​តាម​នីតិ​វិ​​ធីផ្លូវច្បាប់ ៕

មតិយោបល់