ផ្ទះ ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យចំនួន​៣​នាក់​ ពាក់ព័ន្ធករណី​លួច​ម៉ូតូ​កង់​បី​ ប្រជាពលរដ្ឋ​

0

​បាត់ដំបង:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កាលពី​ថ្ងៃ​ទី​១៣​ ខែកុម្ភ:​ ឆ្នាំ​២០២១​ វេលា​ម៉ោង​០៦​និង​៣០​នាទី​ នៅ​ចំណុច​ផ្ទះ​ក្នុង​ក្រុម​ទី​០៧​ ភូមិ​អូ​ដា​លើ​ ឃុំ​បឹង​រាំង​ ស្រុក​កំ​រៀង​ ខេត្តបាត់ដំបង​ មាន​ករណី​អំពើ​លួច​ ប្រព្រឹត្ត​ដោយ​ជនសង្ស័យ​មិន​ស្គាល់​អត្តសញ្ញាណ​ បាន​ធ្វើ​សកម្មភាព​លួច​យក​ម៉ូតូ​កង់​បី​មួយ​គ្រឿង​ ម៉ាក​ហុងដា​ឌ្រី​ម​ សេ​១១០​ ស៊េរី​២០១២​ ពណ៌​ខ្មៅ​ ពាក់​ស្លាក​លេខ​ បាត់ដំបង​ ១S-៤៤៧៩​ លេខ​ម៉ាស៊ីន​ ៨០០១១២៨​ របស់​ឈ្មោះ​ សូ​យ​ តុលា​ ភេទ​ប្រុស​ អាយុ​៣៧​ឆ្នាំ​រស់នៅ​ភូមិ​កើតហេតុ​ខាងលើ​ មុខរបរ​លក់ដូរ​ ។​

​ក្រោយ​ទទួល​ពាក្យបណ្តឹង​ នៅ​ថ្ងៃ​ទី​១៤​ ខែកុម្ភ:​ ឆ្នាំ​២០២១​ វេលា​ម៉ោង​១១​និង​២០​នាទី​ កម្លាំង​ផ្នែក​ព្រហ្មទណ្ឌ​នៃ​អធិការដ្ឋាន​នគរបាល​ស្រុក​កំ​រៀង​ បាន​សហការ​ជាមួយ​កម្លាំង​នៃ​អធិការដ្ឋាន​នគរបាល​ក្រុង​ប៉ោយ​ប៉ែ​ត​ បាន​ធ្វើការ​ស្រាវជ្រាវ​និង​ឃាត់ខ្លួន​ជនសង្ស័យ​បាន​ចំនួន​ ០៣​នាក់​ ១.​ឈ្មោះ​ ពិន​ គឹ​ម​សេង​ ភេទ​ប្រុស​ អាយុ​២១​ឆ្នាំ​ រស់នៅ​ភូមិ​ក្បាលកោះ​ សង្កាត់​ប៉ោយ​ប៉ែ​ត​ ក្រុង​ប៉ោយ​ប៉ែ​ត​ ខេត្តបន្ទាយមានជ័យ​ មានមុខ​របរ​ កម្មករ​ ២.​ឈ្មោះ​ សាន​ សៀង​ហៃ​ ភេទ​ប្រុស​ អាយុ​១៥​ឆ្នាំ​ រស់នៅ​ភូមិ​ដូង​ ឃុំ​បឹង​រាំង​ ស្រុក​កំ​រៀង​ ខេត្តបាត់ដំបង​ មុខរបរ​ មិន​ពិតប្រាកដ​ និង​៣.​ឈ្មោះ​ ផេង​ ឡែ​ម​ ភេទ​ប្រុស​ អាយុ​២០​ឆ្នាំ​ រស់នៅ​ភូមិ​អូ​ដា​លើ​ ឃុំ​បឹង​រាំង​ ស្រុក​កំ​រៀង​ ខេត្តបាត់ដំបង​ មុខរបរ​ កម្មករ​។​

​សមត្ថកិច្ច​បាន​ដកហូត​វត្ថុ​តាង​ និង​នាំ​ខ្លួន​ជនសង្ស័យ​ទាំង​បី​ មក​សាកសួរ​នៅ​អធិការ​រ​ដ្ឋា​ន​នគរបាល​ស្រុក​កំ​រៀង​ ពួក​គេ​បាន​ឆ្លើយ​សារភាព​ថា​ ពិតជា​បាន​ធ្វើ​សកម្មភាព​លួច​យក​ម៉ូតូ​កង់​បី​របស់​ជន​រង​គ្រោះ​យក​ទៅ​លក់​នៅ​ក្រុង​ប៉ោយ​ប៉ែ​ត​ពិតប្រាកដ​មែន​ ។​

​នៅ​ពេល​នេះ​ នគរបាល​ស្រុក​បាន​កសាង​សំណុំរឿង​ បញ្ជូន​ជនសង្ស័យ​ទាំង​បី​ ទៅ​កាន់​សាលាដំបូង​ខេត្ត​ ដើម្បី​ចាត់ការ​បន្ត​តាម​ផ្លូវច្បាប់​ ៕

មតិយោបល់