ព័ត៌មានជាតិ

​ស្ថានីយ​ប្រេង​នៅ​ក្រុង​សួងមួយកន្លែង​ ត្រូវអគ្គិភ័យឆាបឆេះ បណ្តាលឲ្យរងការខូចខាត រថយន្ត​ និងម៉ូតូ​​ជាច្រើនគ្រឿង​

​ត្បូងឃ្មុំ:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នៅ​វេលា​ម៉ោង​៧​និង​៤០​នាទី​ព្រឹក​ ថ្ងៃ​ទី​២១​ ខែកុម្ភ:​ ឆ្នាំ​២០២១​នេះ​ មាន​ករណី​អគ្គិ​ភ័យ​ឆាបឆេះ​ស្ថានីយ​ប្រេង​របស់​ឈ្មោះ​ តែ​ តុង​ហ៊ុយ​ ភេទ​ប្រុស​ អាយុ​៥៦​ឆ្នាំ​ ស្ថិត​នៅ​ភូមិ​ជើង​ឡង​ សង្កាត់​សួង​ ក្រុង​សួង​ ខេត្ត​ត្បូងឃ្មុំ​ បណ្តាល​មក​ពី​ ទុ​ស្សេ​បង្គោល​ដៃ​កុង​ទ័​របាញ់​ប្រេង​ ។​

​ក្នុង​ហេតុការណ៍​នេះ​បង្ក​ឲ្យ​ឆាបឆេះ​ខូចខាត​ កុង​ទ​រ័​បាញ់​ប្រេង​២​សម្រាប់​,​ រថ​យ​ន​ចំនួន​២​គ្រឿង​ ម៉ាក​ឡិច​ស៊ី​ស​ ៣៣០​ និង​ប្រភេទ​កូរ៉េ​ ២​តោន​កន្លះ​១​គ្រឿង​ ,​ ប្រេងម៉ាស៊ីន​២០​កេស​,​ ម៉ូតូ​៣​គ្រឿង​ និង​រ៉ឺ​ម៉ក​១​គ្រឿង​,​ ដំបូល​១៥​ម៉ែត្រ​គុណ​១៨​ម៉ែត្រ​,​ទូ​ទឹកកក​១​គ្រឿង​,​ តុ​ឈើ​១​សំរាប់​ ។​

​ក្នុង​ឧបទ្ទវ​ហេតុនេះ​ផង​ដែរ​ សមត្ថកិច្ច​បាន​ចេញ​រថយន្ត​ពន្លត់​អគ្គិភ័យ​៩​គ្រឿង​ ប្រើប្រាស់​ទឹក​ចំនួន​២៥​ឡាន​ រថយន្ត​មក​ពី​ខេត្តកំពង់ចាម​ចំនួន​២​គ្រឿង​ ទើប​អាច​ពន្លត់ភ្លើង​បាន​ទាំងស្រុង​នៅ​វេលា​ម៉ោង​ ៩​និង​៤០​នាទី​ព្រឹក​ថ្ងៃ​ដដែល​ ៕

មតិយោបល់