ព័ត៌មានជាតិ

យុវជន៥នាក់ ត្រូវសមត្ថកិច្ចបង្ក្រាប​ ពាក់ព័ន្ធ​ករណី​បង្ក​អំពើ​ហិង្សា​ដោយ​ចេតនា​

​កោះកុង:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា យុវជន​ចំនួន​៥​នាក់​ ត្រូវ​បាន​កម្លាំង​នគរបាល​ក្រុង​ខេមរភូមិន្ទ​បង្ក្រាប​ឃាត់ខ្លួន​ ពាក់ព័ន្ធ​ករណី​បង្ក​អំពើ​ហិង្សា​ដោយ​ចេតនា​ នៅ​ចំណុច​​ភូមិ​២​ សង្កាត់​ដងទង់​ ក្រុង​ខេមរភូមិន្ទ​ ខេត្តកោះកុង​​នៅ​វេលា​ម៉ោង​២១​និង​០០​នាទី​ ថ្ងៃ​ទី​០៥​ ខែមីនា​ ឆ្នាំ​២០២១​ ។​

​ជនសង្ស័យ​ទាំង៥នាក់៖ ១-​ឈ្មោះ​ ធូ​ក​ សុ​ផា​រិ​ទ្ធ​ ភេទ​ប្រុស​ អាយុ​១៦​ឆ្នាំ​ ជនជាតិ​ខ្មែរ​ មុខរប​សិស្ស​ មាន​ទីលំនៅ​ក្នុងភូមិ​០១​សង្កាត់​ស្មាច់​មាន​ជ័យ​ ក្រុង​ខេមរភូមិន្ទ​ ខេត្តកោះកុង​ ជា​អ្នក​ធ្វើ​សកម្មភាព​ផ្ទាល់​ ។​ ២-​ឈ្មោះ​ដួង​ សិ​ង្គ​ ហេង​ ភេទ​ប្រុស​ អាយុ​១៩​ឆ្នាំ​ មុខរប​ សិស្ស​​ ជនជាតិ​ខ្មែរ​មាន​ទីលំនៅ​បច្ចុប្បន្ន​ ភូមិ​០១​សង្កាត់​ដងទង់​ ក្រុង​ខេមរភូមិន្ទ​ ខេត្តកោះកុង​ ​ជា​អ្នក​ធ្វើ​សកម្មភាព​ផ្ទាល់​ ។​ ៣-​ឈ្មោះ ​ប៊ួ​យ​ វី​ន​ ភេទ​ប្រុស​ អាយុ​១៨​ឆ្នាំ​ មុខរប​កម្មក​រោងចក្រ​កាត់ដេរ​ ជនជាតិ​ខ្មែរ​ មាន​ទីលំនៅ​បច្ចុប្បន្ន​ ក្នុងភូមិ​ ០២​សង្កាត់​ដងទង់​ ក្រុង​ខេមរភូមិន្ទ​ ខេត្តកោះកុង​។​ ៤-​ឈ្មោះ​ រឿ​ន​ តុលា​ ភេទ​ប្រុស​ អាយុ​១៨​ឆ្នាំ​ ជនជាតិ​ខ្មែរ​មុខរបរ ​កម្មករ​រោងចក្រ​កាត់ដេរ​ មាន​ទីលំនៅ​ប​ច្ចប្ប​ន្ន​ ភូមិ​ទួល​គគីរ​ ឃុំ​ទួល​គគីរ​ ស្រុក​មណ្ឌល​សី​មា ខេត្តកោះកុង​ ។ ៥​ -​ឈ្មោះ ​កន​ ធី​ណា​ ភេទ​ប្រុស​ អាយុ​១៨​ឆ្នាំ​ ជនជាតិ​ខ្មែរ​ មុខរប​ កម្មករ​រោងចក្រ​ មាន​ទីលំនៅ​ក្នុងភូមិ​២​ សង្កាត់​ដងទង់​ ក្រុង​ខេមរភូមិន្ទ​ ខេត្តកោះកុង​ ។​

​ជនសង្ស័យ​បាន​សារភាព​ប្រាប់​សមត្ថកិច្ច​ថា​ បក្ខពួក​របស់​ខ្លួន​ពិតជា​បាន​ ដេញ​កាប់​ជន​រង​គ្រោះ​ឈ្មោះ​ ហ៊ា​ង​ លី​ហុង​ ភេទ​ប្រុស​ អាយុ​១៦​ឆ្នាំ​ ជា​សិស្ស​ ពិតប្រាកដ​មែន​ ។​ ចំពោះ​ជន​រង​គ្រោះ​កំពុង​សម្រាក​ព្យាបាល​នៅ​មន្ទីរ​ពេទ្យ​បង្អែក​ខេត្ត​។​

​បច្ចុប្បន្ន​ ជន​ស​ង្ស​យ័​ទាំង​០៥​នាក់​ ត្រូវ​បាន​កម្លាំង​ជំនាញ​កសាង​សំណុំរឿង​ បញ្ជូន​ទៅ​ចាក់ការតាម​នីតិវិធី​ ៕​

មតិយោបល់