បាត់ដំបងៈ កាលពីវេលាម៉ោង ១០និង៥០នាទីរសៀលថ្ងៃទី០៥ ខែមីនា ឆ្នាំ២០២១ មានករណីគ្រោះថ្នាក់ចរាចរណ៍រវាងរថយន្ត និងម៉ូតូ ស្ថិតលើផ្លូវជាតិលេខ៥ ក្រុមទី០៩ ភូមិជ្រោយស្តៅ ឃុំជ្រោយស្តៅ ស្រុកថ្មគោល ខេត្តបាត់ដំបង។

រថយន្តម៉ាក ហាយឡែនឌ័រ ពណ៌ខ្មៅ ពាក់ស្លាកលេខ ភ្នំពេញ 2Ak-8278 អ្នកបើកបរមិនស្គាល់អត្តសញ្ញាណ។
ម៉ូតូម៉ាក ហុងដាឌ្រីម ពណ៌ខ្មៅ ស៊េរី២០០៩ ពាក់ស្លាកលេខ បាត់ដំបង1E-1645 អ្នកបើកបរ រិន សុថាវី ភេទប្រុស អាយុ ១៣ឆ្នាំ (ស្លាប់) រស់នៅភូមិជ្រោយស្តៅ ឃុំជ្រោយស្តៅ ស្រុកថ្មគោល ខេត្តបាត់ដំបង។

ដំណើររឿង៖ មុនពេលកើតហេតុគេឃើញ រថយន្តធ្វើដំណើរពីត្បូងទៅជើង លុះមកដល់ចំណុចកើតហេតុឆ្លងផ្លូវពីកើតទៅលិច បណ្ដាលឲ្យបុកម៉ូតូ និងស្លាប់ជនរងគ្រោះ ហើយរថយន្តបើករត់គេចរហូតដល់ឃុំរូងជ្រៃ រួចម្ចាស់រត់ចុះគេចបាត់ស្រមោល។

ក្រោយពីកើតហេតុសមត្ថកិច្ច ចុះដល់ទីតាំងវាស់វែងយកវត្ថុតាងទៅរក្សាទុក ដើម្បីចាត់តាមនីតិវិធី ចំពោះសព ប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕