កោះកុងៈ នៅថ្ងៃទី១៣ ខែមីនា ឆ្នាំ២០២១ វេលាម៉ោង ១និង១២នាទីរសៀលមានករណីមនុស្សស្លាប់ក្នុងទឹក ស្ថិតត្រង់ចំណុចក្នុងទឹកស្ទឹងក្នុងភូមិគគីរជ្រុំ ឃុំឬស្សីជ្រុំ ស្រុកថ្មបាំង ខេត្តកោះកុង។

ជនរងគ្រោះឈ្មោះ ចាន់ ពៅ ភេទស្រី អាយុ ៤១ឆ្នាំ មុខរបរមិនពិតប្រាកដ មានទីលំនៅកំណើត ភូមិស្នោ ឃុំស្នេហ៍ឧត្តម ស្រុកព្រះស្ដេច ខេត្តព្រៃវែង។
បច្ចប្បន្នស្នាក់នៅបណ្ដោះអាសន្នភូមិគគីជ្រុំ ឃុំឬស្សីជ្រុំ ស្រុកថ្មបាំង ខេត្តកោះកុង។

តាមការចូលរួមពិនិត្យរបស់របស់គ្រូពេទ្យ និងផ្នែកជំនាញនិងអាជ្ញាធរភូមិឃុំ បានពិនិត្យលើសាកសពឃើញថា សពមានស្លាកស្នាមរបួស ២កន្លែង
-ត្រង់ថ្ងាស១កន្លែង
-ក្រោមផ្សឹត១កន្លែង

សាកសពមានសភាពហើមរលួយក្លិនស្អុយ ផ្នែកក្បាលមានរបួសធ្ងន់អាច បណ្ដាលមកពីធ្លាក់ទឹកស្លាប់។

ចំពោះករណីនេះសមត្ថកិច្ចកំពុងធ្វើការស្រាវជ្រាវបន្ត ចំពោះសាកសពបានប្រគល់ឲ្យអាជ្ញាធរចាត់ចែងធ្វើបុណ្យតាមប្រពៃណី៕