ព័ត៌មានជាតិ

គួរឲ្យស្រងេះស្រងោច មួយគ្រួសារ ត្រូវបាត់បង់ជីវិតទាំងអស់ ករណីបាក់អគារកម្ពស់ ៦ ជាន់នៅខេត្តកែប

កែប: ក្នុងចំណោមអ្នកស្លាប់ចំនួន ៣៦នាក់នោះ មានគ្រួសារមួយ បានស្លាប់អស់ទាំងប្តី ប្រពន្ធ និងកូនប្រុស២នាក់ ពិតជាគួរឲ្យសង្វេគណាស់។

ជនរងគ្រោះឈ្មោះ ហាស់ សុគុណ (ប្តី) ឈ្មោះ ហែម សុគុណ (ប្រពន្ធ) និងកូនប្រុសពីរនាក់ ឈ្មោះ លី គីមឈីង អាយុ៨ និងឈ្មោះ លី គីមឆាយ៩ ឆ្នាំ។

បើតាមហ្វេសប៊ុកពូ ជីម៉េរ ដែលជាសាច់ញាតិជនរងគ្រោះខាងលើ បានបង្ហោះសារពោរពេញ ដោយទុក្ខសោកយ៉ាងដូច្នេះថា ៖ «ធ្វើការហត់ណាស់បង តែនៅញញឹមស្រស់ទៀតបង តែឥឡូវបង និង គ្រួសារ បងលែងហត់ហើយ សម្រាកទៅបង សម្រាន្តលក់ឲ្យស្រួលណា បងប្រុស បងស្រី និងក្មួយៗ ។ គ្រួសារ ធំរបស់បង អ៊ំៗ មីងៗ បងៗ ប្អូនៗ ក្មួយៗ យំតែ ៥ ទៅ ១០ ថ្ងៃ គាត់ឈប់យំហើយ ។ មើលតែម្តាយបង គាត់ពិការដៃម្ខាងទៀត ដោយសារគេបុកកាលខែមុន គាត់យំសន្លប់ មិនដឹងជាប៉ុន្មានដងទេហើយ។ ហាស់ សុគុណ ប្តី ហែម សុគុណ ប្រពន្ធ លី គីមឈីង កូន លី គីមឆាយ កូន មួយគ្រួសារ R. I. P )។

សូមជម្រាបថា ករណីបាក់អគារនេះ កើតទ្បើងកាលពីថ្ងៃទី៣ ខែមករា ឆ្នាំ២០២០ វេលាម៉ោង ៤និង៣៥នាទីរសៀល ស្ថិតក្នុងភូមិ/សង្កាត់/ក្រុង/ខេត្តកែប៕

មតិយោបល់