ពោធិ៍សាត់: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កាលពីថ្ងៃទី១៤ ខែមីនា ឆ្នាំ២០២១ វេលាម៉ោង៤និង៤០ នាទីល្ងាច មានករណីគ្រោះចរាចរណ៍ គោយន្តកន្ត្រៃដាច់ហ្វាំ្រងចុះចំណោតក្រឡាប់ធ្លាក់ពីលើផ្លូវ ធ្វើដំណើរពីលិចទៅកើត នៅកំណាត់ផ្លូវជាតិលេខ៥៥ ចន្លោះគីឡូម៉ែត្រលេខ៧៥-៧៦ នៅចំណុចចិនយំ ស្ថិតនៅភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់ បង្កឲ្យមានការភ្ញាក់ផ្អើល ដល់ប្រជាពលរដ្ឋ និងសមត្ថកិច្ចនគរបាល ចុះពិនិត្យនៅកន្លែងកើតហេតុ ។
ប្រភពព័ត៌មានពីមន្រ្តីនគរបាលមូលដ្ឋាន បានឲ្យដឹងថា ករណីគ្រោះថ្នាក់ចរាចរណ៍ខាងលើនេះ បណ្តាលឲ្យមនុស្សរងរបួសធ្ងន់ ស្រាលចំនួន៦ស្រី៤នាក់៖ ១.ឈ្មោះ ទឹម សល់ ភេទប្រុស អាយុ៤៨ឆ្នាំ រស់នៅភូមិជើងភ្លើង ឃុំស្នាមព្រះ ស្រុកបាកាន រងរបួសធ្ងន់ (អ្នកបើកបរ) ។ ២.ឈ្មោះ សែម ជា ភេទស្រី អាយុ៦០ឆ្នាំ រងរបួសស្រាល (អ្នករួមដំណើរ) ។ ៣.ឈ្មោះ សុខា ភេទស្រី អាយុ០៥ឆ្នាំ សិស្ស រងរបួសធ្ងន់ (អ្នករួមដំណើរ) ។ ៤.ឈ្មោះ សុខ ខេង ភេទប្រុស អាយុ០៧ឆ្នាំ សិស្ស របួសធ្ងន់ (អ្នករួមដំណើរ) ។ ៥.ឈ្មោះ ទុយ ជីម ភេទស្រី អាយុ៣២ឆ្នាំ របួសធ្ងន់ (អ្នករួមដំណើរ) ។ ៦.ឈ្មោះ ណា នីន ភេទស្រី អាយុ១៨ឆ្នាំ របួសធ្ងន់ (អ្នករួមដំណើរ) អ្នកទាំងអស់រស់នៅភូមិ-ឃុំដូចគ្នាខាងលើ ។
ក្រោយពេលកើតហេតុ ជនរងគ្រោះត្រូវបានគេបញ្ជូនទៅព្យាបាល នៅមន្ទីរពេទ្យបង្អែកខេត្តពោធិ៍សាត់ ។
ប្រភពបានបន្តថា ករណីគ្រោះថ្នាក់ចរាចរណ៍នេះ បណ្តាលមកពីអ្នកបើកគោយន្ត ធ្វេសប្រហែសមិនបានត្រួតពិនិត្យ ទៅលើហ្វាំ្រងគោយន្តមុនចេញដំណើរ ទើបបណ្តាលឲ្យមានគ្រោះថ្នាក់ ចរាចរណ៍នេះកើតឡើង ៕
មតិយោបល់