កណ្តាល: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា នគរបាលក្រុងតាខ្មៅបានឃាត់ខ្លួនបុរសម្នាក់ ពាក់ព័ន្ធករណីរំលោភលើទំនុកចិត្ត ប្រព្រឹត្តកាលពីថ្ងៃទី១៤ ខែកុម្ភ: ឆ្នាំ២០២១ វេលាម៉ោង០៧និង៣០នាទី ចំណុចផ្ទះជនរងគ្រោះ ភូមិព្រែកឡុង សង្កាត់តាក្តុល ក្រុងតាខ្មៅ ខេត្តកណ្តាល ។
ជនរងគ្រោះឈ្មោះ បាហ្គែត តារ៉ុន ភេទប្រុស អាយុ២៣ឆ្នាំ ជនជាតិឥណ្ឌា មុខរបរលក់ដូរ ទីលំនៅភូមិ-សង្កាត់កើតហេតុ ។
ជនសង្ស័យឈ្មោះ មី អ៊ឹមឌីហាមប៊ីត ភេទប្រុស អាយុ២៦ឆ្នាំ ជនជាតិបង់ក្លាដែស មុខរបរនៅផ្ទះ ទីលំនៅភូមិ-សង្កាត់ កើតហេតុ ត្រូវសមត្ថកិច្ចឃាត់ខ្លួននៅ វេលាម៉ោង០១និង៣០នាទីព្រឹកថ្ងៃទី១៧ ខែមីនា ឆ្នាំ២០២១ ។
វត្ថុតាងចាប់យក៖ -ម៉ូតូ១គ្រឿងម៉ាក CBR ពណ៌ ទឹកក្រូច ផ្លាកលេខស្វាយរៀង 1E4383 ។ បច្ចុប្បន្ន ជនសង្ស័យត្រូវបានកសាងសំណុំរឿងអនុវត្តបន្តតាមនីតិវិធី ៕
មតិយោបល់