ផ្ទះ ព័ត៌មានជាតិ Update​៖​ រោង...

Update​៖​ រោងចក្រ​ខ្សែភ្លើង​ឃ្យុ​ង​ស៊ី​ង ត្រូវអគ្គិភ័យឆេះ បណ្តាលឲ្យកម្មករម្នាក់របួស ​និងខូចសម្ភារៈជាច្រើនទៀត នៅ​តំបន់​សេដ្ឋកិច្ច​ពិសេស​7NG

0

កណ្តាល:​ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា កម្លាំង​ជំនាញ​សណ្ដាប់ធ្នាប់​ស្រុក​ខ្សាច់កណ្ដាល​ បាន​ប្រើ​រថយន្ត​ពន្លត់​អគ្គិភ័យ​ស្រុក​ខ្សាច់​ កណ្ដាល​០១​គ្រឿង​ និង​រថយន្ត​ទឹក ​(7NG)​ ចំនួន​០២​គ្រឿង​ ដោយ​ប្រើប្រាស់​ទឹក​អស់​ចំនួន​២៥​គូប​ ទើប​រលត់​ទាំង​ស្រុង​ ។​

​គួរ​រំលឹក​ថា​ នៅ​ព្រឹក​ថ្ងៃ​ទី​២៤​ ខែ​មិ​នា​ ឆ្នាំ​២០២១​ វេលា​៨​និង​០០​នាទី​ ស្ថិត​នៅ​តំបន់​សេដ្ឋកិច្ច​ពិសេស ​(7NG)​ ភូមិ​វិហារ​សួគ៌​ ឃុំ​វិហារ​សួគ៌​ ស្រុក​ខ្សាច់កណ្ដាល​ ខេត្តកណ្ដាល​ មាន​ករណី​ឆេះ​រោងចក្រ​ខ្សែភ្លើង​ឃ្យុ​ង​ស៊ី​ង​ ដែល​មាន​បណ្ដោយ​១២០​ម៉ែត្រ​ ទទឹង​ ៨០​ម៉ែត្រ​ ។​ ភ្លើង​បាន​ឆាបឆេះ​ពី​រោង​បាយ​កម្មករ​ទំ​ហំបណ្ដោយ​៨០​ម៉ែត្រ​ និង​ទទឹង​១៥​ម៉ែត្រ​ ។​

​បន្ទាប់​ពី​មានការ​ឆាបឆេះ​ លោក​ ប៊ុ​ន​ ផេង​ អភិបាលស្រុក​ខ្សាច់កណ្ដាល​ ដឹកនាំ​បញ្ជា​ផ្ទាល់​ រួម​ទាំង​លោក​ អ៊ុ​ ច​ន​ ប្រធាន​ក្រុមប្រឹក្សា​ស្រុក​ខ្សាច់កណ្ដាល​ និង​អាជ្ញាធរ​ភូមិ​ឃុំ​ និង​កងរាជអាវុធហត្ថ​ និង​នគរបាល​ប៉ុស្តិ៍​វិហារ​សួគ៌​ រួម​ទាំង​កម្មករ​រោងចក្រ​ផង​ដែរ​ ។​

​ករណី​នេះ​បណ្ដាល​ឲ្យ​មាន​កម្មករ​ម្នាក់​ រង​របួសស្រាល​ ឈ្មោះ​ ភឹ​ម​ រ​ដ្ឋា​ ភេទ​ប្រុស​ អាយុ​២៤​ឆ្នាំ​ រស់នៅ​ភូមិ​ព្រៃ​ចាស់​ ឃុំ​វិហារ​សួគ៌​ស្រុក​ខ្សាច់កណ្ដាល​ ។​ ជាកម្ម​ករ​ផ្នែក​ជាង​ខូចខាត​សម្ភា​រ:​មាន​ ម៉ាស៊ីនភ្លើង​ធំ​ចំនួន​០១​គ្រឿ​ ម៉ាស៊ីន​ស្កេ​ន​ក្រ​យ៉ៅ​ដៃ​១៥​គ្រឿង​ តុ​បាយ​ កៅអី​ កង្ហា​មួយ​ចំនួន​។​ ​ម្ចាស់​រោងចក្រ​ឈ្មោះ​ ចាង​ សាង​ហូ​ ភេទ​ប្រុស​ អាយុ​ ៤៦​ឆ្នាំ​ (​ជនជាតិ​កូរ៉េ​ខាងត្បូង​)​ ដែល​កម្មករ​រោងចក្រ​មាន​ចំនួន​១៦៧៥​នាក់​ស្រី​១៣១៨​នាក់​ ដែល​ក​ពុង​ធ្វើ​ការងារ​ ។​

​ការ​សន្និដ្ឋាន​ ដោយសារ​ឆ្លង​ចរន្តអគ្គិសនី​ នៅ​ក្បែរ​រោង​បាយ​ហើយ​បាន​ឆាបឆេះ​ផ្នែក​រោង​ម៉ាស៊ីន​ រហូត​ដល់​រោង​បាយ​តែ​មិន​ឆេះ​ចូល​កន្លែង​កម្មករ​ធ្វើការ​ឡើយ​ ៕

មតិយោបល់