ព័ត៌មានជាតិ

ករណី​ម៉ូតូ​បុក​រថយន្ត​កែ​ច្នៃ​ បណ្ដាលឲ្យមនុស្ស ២នាក់ រងរបួស

ប៉ៃលិន: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅ​វេលា​ម៉ោង​២០​និង​០០​នាទី​រសៀល​ ថ្ងៃ​ទី​០៣​ ខែមេសា​ ឆ្នាំ​២០២១​ មាន​ករណី​គ្រោះថ្នាក់​ចរាចរណ៍​ រវាង​ម៉ូតូ​បុក​នឹង​រថយន្ត​កែ​ច្នៃ​ ស្ថិត​លើ​ផ្លូវជាតិ​លេខ​៥៩​ ក្នុងភូមិ​វាល​ ឃុំ​សាលា​ក្រៅ​ ស្រុក​សាលា​ក្រៅ​ ខេត្ត​ប៉ៃលិន​ បណ្ដាល​ឲ្យ​ខូចខាត​ម៉ូតូ​ចំនួន​ ០១​គ្រឿង​ កម្រិត​ស្រាល​ និង​មនុស្ស​រង​របួសស្រាល​ចំនួន​ ០២​នាក់​ប្រុស​ ។​

​សមត្ថកិច្ច​បានឲ្យ​ដឹង​ថា​ អ្នកបើកបរ​ម៉ូតូ​ឈ្មោះ​ សៅ​ វិ​ទ្ធ​ ភេទ​ប្រុស​ អាយុ​ ៥៩​ឆ្នាំ​ (​រង​របួសស្រាល​)​ បើកបរ​ម៉ូតូ​ ម៉ាក​ហុងដា​ឌ្រី​ម​ ពណ៌​ខ្មៅ​ ពាក់​ស្លាក​លេខ​ បាត់ដំបង​ 1R-8708​ បើកបរ​ក្នុង​ទិស​ដៅ​ពី​ជើង​ទៅ​ត្បូង​ ។​ ដែល​មាន​អ្នក​រួម​ដំណើរ​ឈ្មោះ​ ខួ​ន​ ខុន​ ភេទ​ប្រុស​ អាយុ​ ៤៨​ឆ្នាំ​ (​រង​របួសស្រាល​ )​ អ្នក​ទាំង​ពីរ​នាក់​ខាងលើ​មាន​ទីលំនៅ​បច្ចុប្បន្ន​រស់នៅ​ភូមិ​កូនភ្នំ​ ឃុំ​អូរ​អណ្តូង​ ស្រុក​សាលា​ក្រៅ​ ខេត្ត​ប៉ៃលិន​ ។​

​អ្នកបើកបរ​រថយន្ត​ឈ្មោះ​ ហង់​ សា​រ៉​ន​ ភេទ​ប្រុស​ អាយុ​ ២៦​ឆ្នាំ​ មាន​ទីលំនៅ​បច្ចុប្បន្ន​រស់នៅ​ភូមិ​វាល​ ឃុំ​សាលា​ក្រៅ​ ស្រុក​សាលា​ក្រៅ​ ខេត្ត​ប៉ៃលិន​ (​មិន​មាន​រង​របួស​)​ បើកបរ​រថយន្ត​ម៉ាក​ (​ប្រភេទ​រថយន្ត​កែ​ច្នៃ​)​ គ្មាន​ស្លាក​លេខ​ បើកបរ​បត់​ឆ្លងផ្លូវ​ ទិស​ដៅ​ពី​លិច​បត់​ទៅ​ត្បូង​។​

​សមត្ថកិច្ច​បាន​បន្ត​ថា​ គ្រោះថ្នាក់​ចរាចរណ៍​ខាងលើ​នេះ​បណ្ដាល​មក​ពី​ អ្នកបើកបរ​ម៉ូតូ​ បើកបរ​ក្នុង​ស្ថានភាព​ស្រវឹង​ និង​ អ្នកបើកបរ​រថយន្ត​ បើកបរ​ដោយ​ខ្វះ​ការ​ប្រុង​ប្រយ័ត្ន​ រួម​ទាំង​យានយន្ត​ ពុំ​ត្រឹមត្រូវ​តាម​លក្ខណ​:​បច្ចេកទេស​ (​ពុំ​មាន​ភ្លើង​ស៊ី​ញ៉ូ​ត្រឹមត្រូវ​)​។​

​បច្ចុប្បន្ន​ ជន​រង​គ្រោះ​ ត្រូវ​បាន​សាច់ញាតិ​បញ្ជូន​ទៅ​សង្គ្រោះ​នៅ​មន្ទីរពេទ្យ​បង្អែក​ខេត្ត​ប៉ៃលិន​ ចំណែក​វត្ថុ​តាង​ត្រូវ​បាន​យក​មក​រក្សា​ទុក​នៅ​អធិការដ្ឋាន​នគរបាល​ស្រុក​សាលា​ក្រៅ​ដើម្បី​ដោះស្រាយ​តាម​នីតិវិធី​៕

មតិយោបល់