កណ្តាលៈ យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ជនសង្ស័យប្រុស-ស្រីចំនួន៦នាក់ ត្រូវបានកម្លាំងនគរបាលនៃអធិការដ្ឋាននគរបាលស្រុកកោះធំបង្ក្រាបឃាត់ខ្លួន ពាក់ព័ន្ធករណី ជួញដូរ និងប្រើប្រាស់ដោយខុសច្បាប់នូវសារធាតុញៀន ។
ប្រតិបត្តិការនេះសមត្ថកិច្ចធ្វើនៅថ្ងៃទី០៩ ខែមេសា ឆ្នាំ២០២១ វេលាម៉ោង ០៦និង១៥ នាទី ចំណុចកើតហេតុ៖ ចំណុចផ្ទះសំណាក់ ច័ន្ទ ណារី ភូមិកំពង់ស្វាយកណ្ដាល ឃុំព្រែកថ្មី ស្រុកកោះធំ ខេត្តកណ្តាល ។
វត្ថុតាងចាប់យកមាន៖ /ម្សៅក្រាមសថ្លាសង្ស័យជាសារធាតុញៀន ម៉ាទឹកកកចំនួន០២កញ្ចប់ (ធំ០១កញ្ចប់ និងតូច០១កញ្ចប់), ទូរសព្ទដៃចំនួន ០៣គ្រឿង (ទូរសព្ទ ម៉ាក OPPO ចំនួន ០២គ្រឿង និងទូរសព្ទម៉ាក អិនចុចពិល ចំនួន ០១គ្រឿង) និងសម្ភារៈប្រើប្រាស់ជក់ថ្នាំញៀន មួយចំនួនទៀត ។
បន្ទាប់ពីឃាត់ខ្លួន និងឆែកឆេររួចរាល់ កម្លាំងសមត្ថកិច្ចបាននាំខ្លួនជនសង្ស័យ រួមនឹងវត្ថុតាងខាងលើ មកអធិការដ្ឋាននគរបាលស្រុកកោះធំ ដើម្បីចាត់ការបន្តតាមនីតិវិធីច្បាប់ ៕
មតិយោបល់