កំពង់ឆ្នាំង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា បុរសម្នាក់ត្រូវបានសមត្ថកិច្ចនគរបាលស្រុកកំពង់ត្រឡាចឃាត់ខ្លួន ពាក់ព័ន្ធករណីបង្កអំពើហិង្សាដោយចេតនា ។ ករណីនេះកើតឡើងនៅវេលាម៉ោង ១៨និង៣០នាទី ថ្ងៃទី០៩ ខែមេសា ឆ្នាំ២០២១ នៅចំណុចរស់នៅភូមិស្នាពេជ្រ ឃុំឈូកស ស្រុកកំពង់ត្រឡាច ។
ជនរងគ្រោះមានឈ្មោះ សឿង សារិន ភេទប្រុស អាយុ ៣៨ឆ្នាំ មុខកសិករ រស់នៅភូមិ-ឃុំកើតហេតុខាងលើ ។
ជនដៃដល់មានឈ្មោះ ពិន ពៅ ភេទប្រុស អាយុ ៣២ឆ្នាំ ត្រូវជាប្អូនថ្លៃជនរងគ្រោះ រស់នៅភូមិ-ឃុំ ស្រុក ជាមួយគ្នា បណ្តាលឲ្យជនរងគ្រោះរងរបួសជាទម្ងន់ ។
មូលហេតុនៃអំពើហិង្សានេះ បណ្តាលមកពីខឹងជនរងគ្រោះជេរប្រមាថមកលើរូបគេ ទើបរូបគេយកកាំបិតកាប់តែម្តង ។
បច្ចុប្បន្ន ជនដៃដល់ រួមនឹងវត្តុតាងសមត្ថកិច្ចជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់ការបន្តតាមនីតិវិធី ៕
មតិយោបល់