ភ្នំពេញ ៖ បុរស២នាក់ស្រវឹងស្រាបានជិះម៉ូតូកញ្ចាស់មួយគ្រឿងក្នុងល្បឿនលឿនទៅបុកចំបង្គោលភ្លើងមួយដើមនៅចំណុច មុខអាហារដ្ឋាន អាហារឆ្ងាញ់៥១៦ បណ្តាលឱ្យបុរសម្នាក់របួសធ្ងន់ និង បុរសម្នាក់ទៀតរបួសស្រាល ដែលហេតុការណ៍នេះកើតឡើងកាលពីវេលាម៉ោង១១និង៤០នាទី ត្រង់ចំណុច អាហារដ្ឋាន អាហារឆ្ងាញ់៥១៦ តាមបណ្តោយផ្លូវ៥១៦ ស្ថិតនៅក្នុងសង្កាត់បឹងកក់១ ខណ្ឌទួលគោក។
បន្ទាប់ពីកើតហេតុអ្នករបួសធ្ងន់ត្រូវគេហៅរថយន្តសាមុយដឹកយកទៅព្យាបាលនៅមន្ទីរពេទ្យឯកជន រីឯបុរសម្នាក់ទៀតរងរបួសស្រាល ហើយសមត្ថកិច្ចធ្វើការវាស់វែង រួចយកម៉ូតូទៅរក្សាទុក នៅអធិការដ្ឋានខណ្ឌទួលគោក រងចាំដោះស្រាយជាក្រោយ៕
មតិយោបល់