ផ្ទះ ព័ត៌មានជាតិ ពលរដ្ឋចាក់បាស...

ពលរដ្ឋចាក់បាសបង្កសំឡេងរំខានដល់អ្នកដទៃ ត្រូវនគរបាលចុះអប់រំបញ្ឈប់សកម្មភាពបន្តទៀត

0

កណ្តាល: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា ​ក្រុមការងារ​ព័ត៌មាន​ និង​ប្រតិកម្ម​រហ័ស​ នៃ​ស្នងការដ្ឋាន​នគរបាល​ខេត្តកណ្តាល​ សូម​ឆ្លើយ​តប​ជូន​សាធារណជន​ និង​គណនី​ហ្វេ​ស​បុក​ សុំ​មិន​បញ្ចេញ​ឈ្មោះ​ ដែល​បាន​រាយការណ៍​ផ្ញើ​សារ​ក្នុង​ប្រអប់​សារ​ ផេ​ក​ស្នងការដ្ឋាន​នគរបាល​ខេត្តកណ្ដាល​ មាន​ខ្លឹមសារ​ថា:​៖​ “​ស្នងការ​រ​ដ្ឋា​ន​នគរបាល​ខេត្តកណ្ដាល​ ជាទី​គោរព​ !​ ខ្ញុំបាទ​រស់នៅ​ភូមិ​ពាម​ ឃុំ​សំបូ​រមាស​ ស្រុក​មុខកំពូល​ ខេត្តកណ្ដាល​ ។​ សូម​មក​ជួយ​ណែនាំ​ដល់​ម្ចាស់ផ្ទះ​ឈ្មោះ​ ទូច​ សា​ម៉េ​ត​ (​ផ្ទះ​នៅ​ខាងជើង​ភូមិ​)​ផង​ ដោយ​រូប​គាត់​តែងតែ​ចាក់​បាស​លឺៗ​ រៀង​រាល់​ចុង​ស​ប្តា​ហ៍​រំខាន​ដល់​ ការ​រស់នៅ​ដល់​អ្នក​ដទៃ​ជា​ខ្លាំង​”​ ។​

​ ក្រោយ​ពី​ទទួល​បាន​ព័ត៌មាន​ខាងលើ​រួច​ និង​មានការ​ចង្អុលបង្ហាញ​ពី​ក្រុម​ ការងារ​ប្រតិកម្ម​រហ័ស​ខេត្ត​ លោក​វរសេនីយ៍ឯក​ ឯក​ លន់​ អធិការ​នគរបាល​ស្រុក​មុខកំពូល​ បាន​បញ្ជា​ឲ្យ​សមត្ថកិច្ច​នគរបាល​ប៉ុស្ដិ៍​រដ្ឋបាល​សំបួរ​សមាស​ ចុះ​ពិនិត្យ​ស្រាវជ្រាវ​ករណី​ខាងលើ​ ។​

​ជា​លទ្ធផល​ ៖​ នៅ​រសៀល​ ថ្ងៃ​០៩​ ខែមេសា​ ឆ្នាំ​ ២០២១​ សមត្ថកិច្ច​ប៉ុស្តិ៍​នគរបាល​រដ្ឋបាល​សំបួរមាស​ បាន​ស្រាវជ្រាវ​ឃើញ​ថា​នៅ​ចំណុច​ផ្ទះ​ឈ្មោះ​ ទូច​ សា​ម៉េ​ត​ រស់នៅ​ភូមិ​ពាម​ ឃុំ​សំបួរមាស​ ស្រុក​មុខកំពូល​ ដែល​បាន​ចាក់​ធុងបាស​លឺៗ​ នៅ​ចុង​ស​ប្តា​ហ៍​ពិតប្រាកដ​មែន​ ។​ បន្ទាប់​មក​សមត្ថកិច្ច​នគរបាល​ប៉ុស្ដិ៍​ ក៏​បាន​អប់រំ​ណែនាំ​ឲ្យ​គាត់​បញ្ឈប់​ការ​ចាក់​បំពង​សំឡេង​លឺៗ​រំខាន​ដល់​អ្នក​ដទៃ​តទៅ​ទៀត​។​

​អាស្រ័យ​ហេតុនេះ​ សូម​សាធារណជន​ដែល​ប្រើប្រាស់​បណ្តាញ​ទំនាក់ទំនង​សង្គម​មេត្តា​ជ្រាប​ ៕

មតិយោបល់