ផ្ទះ ព័ត៌មានជាតិ រថយន្តបើកលឿនប...

រថយន្តបើកលឿនបុកចំពីមុខម៉ូតូ បណ្ដាលឲ្យស្លាប់មនុស្សម្នាក់ និងរបួសធ្ងន់ម្នាក់ នៅស្រុកតំបែរ

0

ត្បូងឃ្មុំ: កាលពីថ្ងៃទី១៥ ខែមេសា ឆ្នាំ២០២១ វេលាម៉ោង ៦និង៥០នាទីយប់ នៅលើផ្លូវជាតិលេខ៧៣ ចំណុចចន្លោះបង្គោលគីឡូម៉ែត្រលេខ ៣៣-៣៤ ស្ថិតនៅទួលប្រស់ ឃុំសេដារ ស្រុកតំបែរ ខេត្តត្បូងឃ្មុំ មានករណីគ្រោះថ្នាក់ចរាចរណ៍មួយបានកើតឡើង រវាងរថយន្ត និងម៉ូតូ ។

រថយន្តបង្កម៉ាក សាំយ៉ុង ពណ៌ខៀវ ពាក់ផ្លាកលេខ ព្រះសីហនុ 2A-2975 អ្នកបើកបរមិនស្គាល់ឈ្មោះ និងអាស័យដ្ឋាន ក្រោយពេលកើតហេតុបានរត់គេចខ្លួនបាត់ ។
ម៉ូតូម៉ាកសង់ ពណ៌ខ្មៅ ពាក់ស្លាកលេខ ត្បូងឃ្មុំ 1F-3055 បើកដោយឈ្មោះ ឃឿន ថាន ភេទប្រុស អាយុ ១៨ឆ្នាំ រស់នៅភូមិអណ្តូងល្ងៀង ឃុំសេដារ ស្រុកតំបែរ ខេត្តត្បូងឃ្មុំ (របួសធ្ងន់ ត្រូវបងប្អូនបានបញ្ជូនទៅព្យាបាលនៅមន្ទីពេទ្យបង្អែកស្រុកតំបែរ )និងអ្នករួមដំណើរឈ្មោះ ថុល សុខណា ភេទប្រុស អាយុ ២២ឆ្នាំ រស់នៅភូមិទួលប្រស់ ឃុំសេដារ ស្រុកតំបែរ ខេត្តត្បូងឃ្មុំ (ស្លាប់នៅនឹងកន្លែង) ក្រោយពីពិនិត្យរួចរាល់ហើយ ជំនាញបានប្រគល់សពជូនទៅបងប្អូនដើម្បីធ្វើបុណ្យតាមប្រពៃណី ។

-អ្នកបើកបរម៉ូតូ និងអ្នករួមដំណើរមិនពាក់មួកសុវត្ថិភាពទេ ។
-ធ្វើដំណើរទិសដៅបើកបរ បញ្ច្រាសទិសគ្នា រថយន្តសាំយ៉ុងបើកបរពីជើងទៅត្បូង ក្នុងល្បឿនលឿន មកដល់ចំណុចកើតហេតុ បានបុកម៉ូតូចំពីមុខដែលបើកមកពីត្បូងទៅជើង បណ្តាលឲ្យម៉ូតូខ្ទាតទៅជាយផ្លូវ ។

មូលហេតុ៖ ល្បឿន ។

ការខូចខាត: រថយន្តសាំយ៉ុង នឹង ម៉ូតូ កម្រិតធ្ងន់ ៕

មតិយោបល់