ស្ត្រីម្នាក់មានការតក់ស្លុតយ៉ាងខ្លាំងនៅពេលដែលឃើញកូនស្រីបង្កើតរបស់ខ្លួនសន្លប់នៅក្នុងអាងហែលទឹកពោរពេញទៅដោយឈាម ដោយសារតែឪពុករបស់ខ្លួនចាប់រំលោភ។
តាមប្រភពព័តមានបរទេសនានាបានឲ្យដឹងថា ឪពុកចិត្តតិរច្ឆាននោះមានឈ្មោះ Nookinaidu អាយុ ៣៥ ឆ្នាំត្រូវបានចាប់ខ្លួនពីបទរំលោភកូនស្រីបង្កើតអាយុ ៧ ឆ្នាំ នៅក្នុងភូមិ Dhimili ប្រទេសឥណ្ឌា។
បន្ទាប់ពីហេតុការណ៍នេះបានកើតឡើងម្តាយរបស់ជនរងគ្រោះបានបញ្ចូននាងទៅកាន់មន្ទីរពេទ្យដើម្បីធ្វើការព្យាបាល នឹងបានដាក់ពាក្យបណ្តឹងទៅប៉ូលិសឲ្យចាប់ខ្លួនប្តីចិត្តសាមាន។ ប៉ូលិសបាននិយាយថាប្តីប្រពន្ធមួយគូរនេះបានរៀបការអស់រយៈពេល ១២ ឆ្នាំមកហើយ ព្រមទាំងមានកូនពីរនាក់ប្រុសមួយស្រីមួយ។ ប៉ុន្តែរយៈពេលបួនឆ្នាំមកនេះពួកគេតែងតែឈ្លោះប្រកែកគ្នា ហើយក៏នៅបែកគ្នា។ កាលពីថ្ងៃច័ន្ទកន្លងទៅនេះលោក Nookinaidu បានហៅប្រពន្ធ និងកូនស្រីរបស់ខ្លួនឲ្យមកលេងផ្ទះដែលខ្លួនឯងស្នាក់នៅ។
ពេលម្តាយប្រពន្ធរបស់គាត់បានចេញទៅក្រៅដើម្បីស្វែងរកការងាធ្វើ Nookinaidu ឆ្លៀតឱកាសចាប់រំលោភកូនស្រីរបស់ខ្លួន។ នៅពេលដែលស្ត្រីជាម្តាយត្រឡប់មកផ្ទះវិញក៏ឃើញកូនរបស់ខ្លួនដេកសន្លប់ដោយខោអាវរបស់នាងប្រលាក់សុទ្ធតែឈាម។ ដោយតែទ្រាំនឹងទង្វើដ៏គម្រក់របស់ប្តីមិនបានស្ត្រីរូបនោះបានសម្រេចចិត្តប្តឹងប៉ូលិសឲ្យចាប់ដាក់គុកតែម្តង៕
មតិយោបល់