ផ្ទះ ព័ត៌មានជាតិ ផឹកស៊ីស្រវឹងឈ...

ផឹកស៊ីស្រវឹងឈ្លោះប្រកែកគ្នា បណ្តាលឲ្យជនសង្ស័យម្នាក់​ យកកាំបិតប៉័ងតោកាប់ ទៅលើបុរស២នាក់ ឲ្យរងរបួសធ្ងន់

0

ពោធិ៍សាត់: យោងតាមផេក ផ្សព្វផ្សាយអប់រំ ក្រសួងមហាផ្ទៃ បានឲ្យដឹងថា នគរបាលឃាត់ខ្លួនជនសង្ស័យម្នាក់ ពាក់ព័ន្ធករណីប្រើហិង្សាដោយចេតនាបណ្តាល ឲ្យអ្នកដទៃរបួសស្នាម បង្កឲ្យមានការភ្ញាក់ផ្អើលទាំងក្បាលព្រលប់នៅវេលា ម៉ោង​១៨និង១១នាទី ថ្ងៃទី១៧ ខែមេសា ឆ្នាំ២០២១ នៅចំណុចភូមិប្រម៉ោយ ឃុំប្រម៉ោយ​ ស្រុកវាលវែង ខេត្តពោធិ៍សាត់។

ប្រភពព័ត៌មានបានប្រាប់ឲ្យដឹងថា មុនពេលកើតហេតុ ជនសង្ស័យឈ្មោះ រស់ សាលី​ ភេទប្រុស អាយុ​ ​៣៨​ ឆ្នាំ​ រស់នៅភូមិឃុំកើតហេតុខាងលើបានផឹកស៊ីជាមួយជនរងគ្រោះ២នាក់ រហូតដល់ស្រវឹងរៀងខ្លួន ជនរងគ្រោះនិងជនសង្ស័យបានឈ្លោះប្រកែកគ្នាតឹងមាត់តឹងក ខណ:នោះជនសង្ស័យឈ្មោះរស់ សាលី ចាប់ផ្តើមផ្ទុះកំហឹងរត់ទៅយកកាំបិតប៉័ងតោ កាប់ទៅលើជនរងគ្រោះ​ ០២​នាក់ដែលពួកគេអង្គុយផឹកជាមួយបណ្តាលឲ្យរងរបួសធ្ងន់ អ្នកទាំងពីរ ត្រូវបានគេស្គាល់អត្តសញ្ញាណដូចខាងក្រោម៖

១.​ឈ្មោះ​ ហ៊ុន​ ធី​ ភេទប្រុស​ អាយុ​ ៥៨​ ឆ្នាំ​ ស្នាក់នៅ​ភូមិឃុំខាងលើ​(របួសធ្ងន់​)
២.ឈ្មោះ​​ សុខ​ ឃៀង​ ភេទប្រុស​ អាយុ​ ៤២​ ឆ្នាំ​ រស់នៅភូមិឃុំខាងលើ​ (របួសធ្ងន់​)​ ។

ប្រភពបានបន្តថា អ្នកទាំងពីរកំពុងសម្រាកព្យាបាលនៅនៅមណ្ឌលសុខភាពប្រម៉ោយ ។ រីឯជនសង្ស័យរួមទាំងវត្ថុតាង ត្រូវបានសមត្ថកិច្ចនាំយកមកសួរនាំនៅអធិការដ្ឋាននគរបាលស្រុក ។

នគរបាលរដ្ឋបាលប្រម៉ោយ បានឲ្យដឹងថា ក្រោយពេលសមត្ថកិច្ចសួរនាំហើយ ជនសង្ស័យបានសារភាពថា ខ្លួនគេពិតជាបានធ្វើសកម្មភាព កាប់ទៅលើជនរងគ្រោះទាំងពីរនោះមែន មូលហេតុរូបគេនិងជនរងគ្រោះ ផឹកស៊ីស្រវឹងទំនាស់ពាក្យសម្ដី​ ជាមួយគ្នាធ្វើឲ្យគេទប់កំហឹងមិនបានក៏ធ្វើបែបនេះតែម្តង។

បន្ទាប់ពីស្តាប់ចម្លើយសារភាពរបស់ជនសង្ស័យ សមត្ថកិច្ចចាប់ឃាត់ខ្លួនរួមទាំងវត្ថុតាង បញ្ជូនមកកាន់នៅអធិការដ្ឋាន​ ដើម្បីចាត់ការបន្តតាមនីតិវិធីច្បា​ប់​ ៕

មតិយោបល់