ផ្ទះ ព័ត៌មានជាតិ ឃុំខ្លួនបុរសម...

ឃុំខ្លួនបុរសម្នាក់ ក្លែងបន្លំជានគរបាលជាតិ បើករថយន្តឡាយល្មើសនឹងសេចក្តីសម្រេច បិទរាជធានីភ្នំពេញ

0

ភ្នំពេញ: យោងតាមផេក អគ្គស្នងការដ្ឋាននគរបាលជាតិ បានឲ្យដឹងថា បុរសម្នាក់ឈ្មោះ សៀង រង្សី អាយុ៣៥ឆ្នាំ ដែលបានក្លែងបន្លំជានគរបាលជាតិ និងបើករថយន្តឡាយល្មើសនឹងសេចក្តីសម្រេចបិទរាជធានីភ្នំពេញ ត្រូវបានសាលាដំបូងរាជធានីភ្នំពេញ​ ចេញដីកាឃុំខ្លួន​ នៅរសៀលថ្ងៃទី១៨ ខែមេសា ឆ្នាំ២០២១នេះ ពីបទ​ រារាំងការអនុវត្តវិធានការរដ្ឋបាល​ និងប្រើប្រាស់ដោយគ្មានសិទ្ធនូវយានយន្តសម្គាល់ប្រើប្រាស់ដោយនគរបាល​។

សូមបញ្ជាក់ថា បុរសម្នាក់ត្រូវបានចាប់ខ្លួននៅព្រឹកថ្ងៃទី១៧​ ខែមេសា​ ឆ្នាំ២០២១ ដោយអនុវត្តតាមបទបញ្ជារបស់ឯកឧត្តម នាយឧត្តសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងបទបញ្ជាដោយផ្ទាល់របស់ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញនៅព្រឹកនេះ កម្លាំងសមត្ថកិច្ចនៃអធិការនគរបាលខណ្ឌជ្រោយចង្វា បានធ្វើការឃាត់ខ្លួនបុរសម្នាក់ និងរថយន្តមួយគ្រឿង បញ្ជូនមកស្នងការដ្ឋាននគរបាលរាជធានីភ្នំពេញ ដើម្បីធ្វើការសាកសួរ និងបន្តអនុវត្តតាមនីតិវិធីច្បាប់ បន្ទាប់ពីបានឃើញបុរសរូបនេះ បើករថយន្តឡាយនៅម៉ោង ៨ព្រឹក ម្តុំវត្តកៀនឃ្លាំង ផ្លូវជាតិលេខ៦A ខណ្ឌជ្រោយចង្វា ស្របពេលដែលរដ្ឋាភិបាល កំពុងមានវិធានការបិទខ្ទប់មិនឲ្យប្រជាពលរដ្ឋចេញ ដើម្បីបង្ការ និងទប់ស្កាត់ការឆ្លងរាលដាលវីរុសកូវីដ ១៩ ៕

មតិយោបល់