បាត់ដំបងៈ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា នៅថ្ងៃទី២៨ ខែមេសា ឆ្នាំ២០២១ វេលាម៉ោង១៧និង៣០នាទី នៅចំណុចភូមិផ្លូវប្រាំមួយ ឃុំតាក្រី ស្រុកកំរៀង មានករណីភ្លៀងធ្លាក់រន្ទះបាញ់បណ្តាលអោយបុរសម្នាក់ស្លាប់ ខណៈពេលជនរងគ្រោះជិះម៉ូតូទៅចំការ ។

មន្ត្រីនគរបាល ស្រុកកំរៀង បានឲ្យដឹងថា ៖ ជនរងគ្រោះឈ្មោះ សៅ ម៉េងធា ភេទស្រី អាយុ ៣០ឆ្នាំ មានទីលំនៅភូមិផ្លូវប្រាំមួយ ឃុំតាក្រី ស្រុកកំរៀង ។

ក្រោយពីទទួលបានពត៏មាន កម្លាំងផ្នែកជំនាញសហការជាមួយគ្រូពេទ្យមណ្ឌលសុខភាពឃុំ និងសហការជាមួយកម្លាំងប៉ុស្តិ៍នគរបាលរដ្ឋបាលចុះទៅដល់ទីកន្លែងកើតហេតុអាចសន្និដ្ឋានបានថា ជនរងគ្រោះឈ្មោះ សៅ ម៉េងធា ពិតជាស្លាប់ដោយសារត្រូវរន្ទះបាញ់ស្លាប់ពិតប្រាកដ។

បច្ចុប្បន្ន សាកសពជនរងគ្រោះត្រូវបានប្រគល់ជូនទៅឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី ៕