ព័ត៌មានជាតិ

ជនសង្ស័យ ២នាក់ ត្រូវសមត្ថកិច្ចឃាត់ខ្លួន ករណីឆក់…

​ភ្នំពេញ:​ យោងតាមផេកអគ្គស្នងការដ្ឋាននគរបាលជាតិបានឲ្យដឹងថា ជនសង្ស័យ​២​នាក់​ត្រូវ​បាន​កម្លាំង​នគរបាល​ខណ្ឌ​៧​មក​រា​បង្ក្រាប​ឃាត់ខ្លួន​ ក្នុង​បទល្មើស​ជាក់ស្តែង​ករណី​ឆក់​ខ្សែ​ក​ ។​

​ករណី​នេះ​ កម្លាំង​នគរបាល​ខណ្ឌ​៧​មក​រា​ និង​កម្លាំង​នគរបាល​ប៉ុស្តិ៍​បឹង​ព្រលិត​ឃាត់ខ្លួន​បាន​នៅ​ចំណុច​មុខ​ផ្ទះ​លេខ​៨AEo​ ផ្លូវ​១២៥​ ភូមិ​៥​ សង្កាត់​បឹង​ព្រលិត​ ខណ្ឌ​៧​មក​រា​ ថ្ងៃ​ទី​១៤​ ខែឧសភា​ឆ្នាំ​២០២១​ វេលា​ម៉ោង​៩​និង​៣០​នាទី​ ។​

​ជនសង្ស័យ​ទី​១-​ឈ្មោះ​អៀង​ ភារ:​ ភេទ​ប្រុស​ អាយុ​២១​ឆ្នាំ​ ជនជាតិ​ខ្មែរ​ មុខរបរ​ ធ្វើ​ចុងភៅ​ មាន​ទីលំនៅ​ផ្ទះ​ ជួល​មិន​ចាំ​លេខ​ នៅ​គោក​ជាន់​ សង្កាត់​ចោម​ចៅ​២​ ខណ្ឌ​ពោធិ៍​សែន​ជ័យ​ រាជធានី​ភ្នំពេញ​(​ មាន​សារធាតុ​ញៀន​ក្នុង​ខ្លួន​)​ ។​

​ជនសង្ស័យ​ទី​២​ ហេង​ សា​ម៉​ន​ ហៅ​ យៀន​ ភេទ​ ប្រុស​ អាយុ​២៩​ឆ្នាំ​ ជនជាតិ​ខ្មែរ​ មុខរបរ​ជាងក្រឡឹង​ មាន​ទីលំនៅ​ ផ្ទះ​លេខ​១២១៣Eo​ ផ្លូវ​១៤​ សង្កាត់​បឹង​សាឡាង​ ខណ្ឌទួលគោក​ រាជធានី​ភ្នំពេញ​ (​ពិនិត្យ​ទឹកនោម​មាន​សារធាតុ​ញៀន​)​ ។​

​ជន​រង​គ្រោះ​ ឈ្មោះ​ ឡូ​វ​ តិច​សុ​ផា​ន​ ភេទ​ប្រុស​ អាយុ​ ៥៣ឆ្នាំ ​ខ្មែរ​ មុខរបរ​លក់ដូរ​ មា​ទី​លំ​ផ្ទះ​លេខ​ ៨AEo​ ផ្លូវ​១២៥​ ភូមិ​៥​ សង្កាត់​បឹង​ព្រលិត​ ខណ្ឌ​៧​មក​រា​ ។

​វត្ថុ​តាង​និង​សម្ភារ​ចាប់​យក​ពី​ជនសង្ស័យ​រួម​មាន:​ ១/​ខ្សែ​ក​មាស​១​ខ្សែ​មាស​ចំនួន​៥​ដំឡឹង​ ជា​របស់​ជន​រង​គ្រោះ​,​ ម៉ូតូ​ម៉ាក​ ស្មាស់​ពណ៌​ខ្មៅ​ ស៊េរី​២០២១​ គ្មាន​ស្លាក​លេខ​,​ ម៉ូតូ​ម៉ាក​ SCOPY​ ពរ​ណ៌​ស​ ពាក់​ស្លាក​លេខ​ភ្នំពេញ​ 1IR-8476​ស៊េរី​២០២១​ ។

​បច្ចុប្បន្ន​ ជនសង្ស័យ​ទាំ​២​នាក់​បាន​ឃាត់ខ្លួន​បណ្តោះអាសន្ន ​នៅ​អធិការដ្ឋាន​នគរបាល​ខណ្ឌ​៧​មក​រា​ ដើម្បី​កសាង​សុំ​រឿង​បញ្ជូន​ទៅ​សាលាដំបូង​រាជធានី​ភ្នំពេញ​ចាត់​បន្តរ​តាម​នីតិវិធី​ច្បាប់​ ។​ ចំណែក​ខ្សែ​ក​មាស​ទម្ងន់​៥​ដំឡឹង​ សមត្ថកិច្ច​បាន​ប្រគល់​ជូន​ម្ចាស់​វិញ​ ៕

មតិយោបល់