បាត់ដំបង: យោងតាមផេកអគ្គស្នងការដ្ឋាននគរបាលជាតិបានឲ្យដឹងថា កាលពីថ្ងៃទី២៦ ខែឧសភា ឆ្នាំ២០២១ វេលាម៉ោង០៧និង០០នាទី អនុវត្តដីកាឃាត់ខ្លួនពិរុទ្ធជនម្នាក់ ពីបទរំលោភសេពសន្ថវ: នៅចំណុចក្រុមទី០៧ ភូមិទួលជ្រៃ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង ។

កម្លាំងជំនាញនៃអធិការដ្ឋាននគរបាលស្រុកភ្នំព្រឹក បានចុះអនុវត្តដីកាបង្គាប់ឲ្យចាប់ខ្លួនរបស់សាលាដំបូងលេខ ២៥៧ ត.ព្រ ចុះថ្ងៃទី០៥ ខែឧសភា ឆ្នាំ២០២១ របស់ឯកឧត្តម ជា វណ្ណ: ចៅក្រមស៊ើបសួរនៃសាលាដំបូងខេត្តបាត់ដំបង បង្គាប់ឲ្យនាំខ្លួនជនសង្ស័យ ១នាក់ឈ្មោះ វង់ ធឿន (ហៅ ថន) ភេទប្រុស អាយុ ៤៥ឆ្នាំ រស់នៅភូមិទួលជ្រៃ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង ពីបទរំលោភសេពសន្ថវ: ប្រព្រឹត្តិនៅចំណុចភូមិទួលជ្រៃ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង កាលពីថ្ងៃទី០២ ខែសីហា ឆ្នាំ២០១៩។

បច្ចុប្បន្ន កម្លាំងនគរបាលជំនាញបានបញ្ជូនពិរុទ្ធជនខាងលើទៅសាលាដំបូងខេត្ត ដើម្បីចាត់ការបន្តតាមផ្លូវច្បាប់៕