ព្រៃវែង: នៅវេលាម៉ោង ០៩និង១០ នាទីព្រឹកថ្ងៃទី១៩ ខែមិថុនា ឆ្នាំ២០២១ មានករណីអគ្គិភ័យឆេះផ្ទះពលរដ្ឋចំនួន០៣ខ្នង ស្ថិតត្រង់ចំណុចភូមិព្រៃឈៀង ឃុំឫស្សីសាញ់ ស្រុកស៊ីធរកណ្តាល ខេត្តព្រៃវែង ។
១- ម្ចាស់ផ្ទះឈ្មោះ ម៉ុក អ៊ី ភេទស្រី អាយុ ៧០ ឆ្នាំ ឆេះផ្ទះចំនួន០២ ខ្នង ទំហំ ៨x៩ ម៉ែត្រ ធ្វើអំពីឈើប្រក់ក្បឿងឆេះអស់ទាំងស្រុង សម្ភារ: ខូចខាតរួមមាន៖
– លុយខ្មែរចំនួន២០លានរៀល
– មាសចំនួន០២ តម្លឹង ៧ជី និងសម្ភារ:ខោអាវកន្ទេលមុងភួយទាំងអស់គិតជាប្រាក់ចំនួន ២៧០០០ ដុល្លារ មាសរកឃើញវិញតែមានឆេះខូចខាតមួយចំនួនតូច ។
២- ម្ចាស់ផ្ទះឈ្មោះ អ៊ាម មុំ ភេទស្រី អាយុ ៦៥ ឆ្នាំ ឆេះផ្ទះចំនួន០១ ខ្នង ទំហំ ៧x៨ មែត្រ ធ្វើអំពីឈើប្រក់ក្បឿងឆេះអស់ទាំងស្រុងសម្ភារ: ខូចខាតរួមមាន៖
– មាសចំនួន០៣ តម្លឹង
– លុយខ្មែចំនួន ១៥ ម៉ឺនរៀល និងសម្ភារ:ខោអាវកន្ទេលខ្នោយភួយមុងទាំងអស់ គិតជាទឹកប្រាក់ចំនួន ១៦០០០ ដុល្លារ ។
៣- ម្ចាស់ផ្ទះឈ្មោះ ជេន ហ៊ាង ភេទប្រុស អាយុ ៥០ ឆ្នាំ ឆេះផ្ទះចំនួន ០២ ខ្នង ទំហំ ០៨x១១ ម៉ែត្រ ធ្វើអំពីឈើប្រក់ក្បឿងឆេះអស់ទាំងស្រុង មិនមានលុយនិងមាសទេមានតែខោអាវកន្ទេលមុងភួយ គិតជាទឹកប្រាក់ចំនួន ២០០០០ ដុល្លារ ។
- សរុបការខូចខាតទាំង០៣ផ្ទះប្រហែលចំនួន ៦៣០០០ ដុល្លារ ។
- មូលហេតុ៖ បណ្តាលមកពីផ្ទុះសេខ្សែភ្លើង ។
ករណីខាងលើនេះ កម្លាំងអធិការស្រុកស៊ីធរកណ្ដាល នឹងប៉ុស្តិ៍រដ្ឋបាលអាជ្ញាធរ ដោយមានបទបញ្ជារពីលោកឧត្តមសេនីយ៍ ស្នងការខេត្តបានបញ្ជារដល់ កម្លាំង អធិការដ្ឋានស្រុកកញ្រ្ចៀច និង អធិការដ្ឋានស្រុកពារាំង និងមានការចូលរួមពី កម្លាំង អន្តរាគមន៍ស្នងការខេត្តដោយប្រើប្រាស់រថយន្តពន្លត់អគ្គីភ័យ ចំនួន ០៣ គ្រឿង ក្នុងនោះ៖
- រថយន្ដ អគ្គិភ័យ អធិការស្រុកស៊ីធរកណ្ដាលប្រើប្រាស់ទឹកអស់ចំនួន ០៣ រថយន្ដ ។
- រថយន្ដ អគ្គិភ័យ អធិការស្រុកកញ្រ្ជៀចប្រើប្រាស់ទឹកអស់ចំនួន ០២ រថយន្ដ ។
- រថយន្ដ អគ្គិភ័យ ស្រុកពារាំងប្រើប្រាស់ទឹកអស់ចំនួន ០១ រថយន្ត ។
សរុបក្នុងកិច្ចប្រតិបត្តិការនេះ ប្រើប្រាស់ទឹកអស់ចំនួន០៦ រថយន្ត ចំណែកមនុស្សរឺសត្វពុំមានគ្រោថ្នាក់អ្វីនោះទេ ៕
មតិយោបល់